32:522  bien,  il  en  diminue  d'autant:  s'il  employe  son  credit,  il  dira,  ie  n'en  puis  plus.  Mais  les  richesses  sont  si  grandes  en  Dieu,  qu'il  est  comme  une  fontaine  qui  ne  peut  iamais  tairir:  et  d'autant  plus  qu'on  en  puise,  l'abondance  se  monstre  tant  mieux.  Ainsi  donc,  il  ne  faut  point  que  nous  craignions  de  venir  a  Dieu,  quand  il  nous  aura  fait  beaucoup  de  biens,  et  que  nous  serons  tenus  a  luy  tant  qu'il  sera  possible  de  penser:  mais  cela  nous  doit  donner  tant  plus  grand  courage,  comme  David  nous  le  declaire  yci.  Et  il  y  a  beaucoup  de  sentences  semblables  en  l'Escriture.  Seigneur,  (disoit  Iacob)  ie  n'estoye  pas  digne  des  bontez  que  tu  as  monstre  envers  moy:  mais  tant  y  a  que  tu  as  fait  tant  de  biens  a  ton  serviteur,  qu'il  faut  que  ie  t'invoque  tousiours.  Voyla  donc  comme  Dieu  nous  incite  a  venir  a  luy  privement,  d'autant  plus  qu'il  se  monstre  large,  et  qu'il  a  ses  mains  desployees,  afin  de  nous  donner  tout  ce  qui  nous  faut.  Et  quand  il  aura  continue  en  cela  tout  le  temps  de  nostre  vie,  nous  devons  estre  tant  plus  hardis  a  l'invoquer,  comme  David  nous  le  monstre  yci  "par  son  exemple.  Or  maintenant,  il  nous  faut  bien  noter  ce  qu'il  dit,  le  fay  deciaire  mes  voyes,  tu  m'as  respondu:  enseigne-moy  en  tes  statuts.  David  proteste  yci  qu'il  a  este  exauce  de  Dieu  en  ses  affaires  particuliers:  c'est  a  dire,  quand  il  a  eu  quelque  perplexite  et  s'est  trouve  en  angoisse,  qu'alors  il  a  invoque  Dieu.  Voyla  qu'emporte  ce  mot  de  Voye  en  Hebrieu,  ou  il  est  dit,  Ie  t'ay  deciaire  mes  voyes,  tu  m'as  respondu,  c'est  a  dire,  exauce.  Sur  cela  il  demande,  que  Dieu  l'enseigne  en  ses  statuts,  c'est  a  dire,  qu'il  luy  monstre  la  regle  generale  de  bien  vivre.  Yci  nous  avons  a  noter,  que  Dieu  condescend  iusques  la  a  nous,  qu'il  nous  veut  subvenir  en  tous  nos  affaires  particuliers.  Nous  voyons  que  nostre  Seigneur  Iesus  nous  a  enseigne  de  demander  nostre  pain  quotidien,  qui  emporte  tout  ce  qui  concerne  ceste  vie  caduque.  Ainsi,  quand  nous  avons  quelque  chose  a  traitter,  Dieu  nous  donne  ce  privilege  et  licence  de  venir  a  luy:  voire  si  nous  n'avions  qu'a  marcher  un  pas,  ou  remuer  la  main,  nous  pouvons  venir  a  Dieu,  et  luy  demander  qu'il  nous  adresse  et  conduise.  Notons  donc  ceste  bonte  inestimable,  de  laquelle  Dieu  use  envers  nous,  quand  il  veut  bien  que  nous  luy  declairions  toutes  nos  voyes,  c'est  a  dire,  tous  nos  appetis  et  menus  affaires.  Si  un  homme  avoit  son  frere,  ou  son  compagnon,  a  grand  peine  s'oseroit  il  descouvrir  ainsi  privement,  de  peur  de  luy  estre  importun,  comme  Dieu  nous  donne  le  conge  de  venir  a  luy,  quelle  bonte  cela?  Or  quand  nous  voyons  que  Dieu  se  monstre  si  familier  en  nos  menus  affaires  :  d'autant  plus  le  devons-  nous  requerir,  a  l'exemple  de  David,  qu'il  nous  conduise  selon  sa  loy,  c'est  a  dire,  qu'il  nous  face  la  grace  de  vivre  tellement,  que  nous  suyvions  la