9:521  O21  CHRISTI  IN  COENA.  522  pios,  inseparabile  esse  vinculum  signi  et  rei  signatae  in  promissione  ipsa,  qua  Deus  nihil  fallaciter  ostentat,  sed  figurat  quod  vere  et  re  ipsa  praestat.  Porro  frustra  litigatur  de  corpore  duplici.  Mutata  quidem  fuit  conditio  in  Christi  carne,  ubi  in  coelestem  gloriam  recepta,  quidquid  terrenum,  mortale  vel  caducum  erat  exuit.  Interea  tamen  statuere  oportet,  non  aliud  corpus  vivificum  nobis  esse,  aut  vere  cibum  posse  censeri,  nisi  quod  pro  expiandis  peccatis  crucifixum  est  :  sicuti  et  verba  sonant.  Idem  ergo  corpus  quod  semel  filius  Dei  patri  in  sacrificium  obtulit,  quotidie  nobis  in  coena  offert,  ut  sit  in  spirituale  alimentum.  Tantum  de  modo  tenendum  est  quod  nuper  attigi,  non  opus  esse  descendere  carnis  essentiam  e  coelo  ut  ea  pascamur,  sed  ad  penetranda  impedimenta  et  superandam  locorum  distantiam  sufficere  spiritus  virtutem.  Interea  non  negamus  quin  modus  hic  humanae  menti  sit  incomprehensibilis,  quia  neque  naturaliter  caro  esset  vita  animae,  ')  neque  e  coelis  vim  suam  ad  nos  exsereret,  neque  frustra  communicatio,  quae  nos  facit  carnem  a  carne2)  Christi  et  ossa  ex  ossibus  eius,  vocatur  a  Paulo  magnum  mysterium  (Ephes.  5,  30).  Ergo  in  sacra  coena  miraculum  [pag.  98]  agnoscimus,  quod  et  naturae  fines,  et  sensus  nostri  modum  exsuperat,  dum  Christi  vita  nobis  fit  communis,  et  eius  caro  nobis  in  alimentum  datur.  Modo  quaecunque  definitioni  nuper  positae  repugnant  commenta  procul  facessant:  qualia  sunt  de  corporis  ubiquitate,  vel  de  occulta  sub  panis  symbolo  inclusione,  vel  de  substantiali  in  terris  praesentia.  Haec3)  ubi  transacta  fuerint,  emergit  adhuc  dubitatio  de  voce  substantiae:  cuius  sedandae  haec  videtur  esse  expedita  ratio,  ut  crassa  imaginatio  tollatur  de  manducatione  carnis,  ac  si  corporalibus  cibis  esset  similis,  qui  ore  sumpti  in  ventrem  descendunt.  Nam  ubi  haec  absurditas  remota  fuerit,  non  est  cur  negemus  substantialiter  nos  pasci  Christi  carne,  quia  vere  coalescimus  cum  ipso  in  unum  corpus  per  fidem,  et  ita  unum  cum  ipso  efficimur.  Unde  sequitur  substantiali  societate  nos  cum  ipso  coniungi,  non  secus  ac  substantialis  vigor  a  capite  in  membra  defluit.  Definitio  igitur  statuenda  erit:  Substantialiter  nos  fieri  carnis  Christi  participes,  non  quod  fiat  carnalis  quaedam  mixtura,  vel  quod  caro  Christi  e  coelis  elicita  in  nos  penetret,  vel  quod  ore  deglutiatur,  sed  quia  non  secus  animas  nostras  vivificet  Christi  caro,  quoad  vim  et  efficaciam,  ac  panis  vinique  substantia  corpora  aluntur.  1)  animae  vita  M*.≫.  2)  e  carne  MS.  B)  Rie  rursus  incipit  textus  a  Beza  scriptus  %n  Cod.  Genev.  Qui  scripserat  :  Prima  dubitatio  de  voce  substantiae.  Quod  Calvinum  emendavit  ui  nunc  legitur.