7:521  521  IUDICIAIRE.  522  est  de  l'inclination  premiere  de  nature:  exceptant  ce  que  Dieu  donne  de  special  aux  uns  et  aux  autres,  *)  sans  s'aider  des  moyens  ordinaires,  et  sur  tout  la  reformation  qu'il  fait  en  ses  eleuz,  les  renouvellant  par  son  Esprit.  Mais  cette  astrologie  bastarde2)  ne  se  contentant  point  d'avoir  dispose  de  la  complexion  des  moeurs  et  des  hommes,  estend  sa  iudicature  plus  avant:  qui  est  en  devinant  ce  qui  leur  doit  advenir  toute  leur  vie,  et  quand  et  [page  18]  comment  ilz  doyvent  mourir.  En  quoy  il  n'y  a  que  pure  temerite,  et  pas  un  seul  grain  de  raison.  Car  tout  au  plus  les  astres  pourront  imprimer  quelques  qualitez  aux  personnes,  et  non  pas  faire  que  cecy  ou  cela  leur  advienne  puis  apres  d'ailleurs.  Et  par  ainsi,  encores  qu'un  Genethliaque  puisse  iuger  un  homme  estre  industrieux  et  vigilant  pour  aquerir  des  biens,  si  ne  peut-il  deviner  qu'il  luy  escherra  quelque  succession,  pource  que  cela  gist  en  la  volonte  ou  condition  d'autres  que  de  luy.  Voyla  pourquoy  il  a  ete  dit  de  long  temps8)  que  ces  Mathematiciens  masquez  estoyent  bons  pour  vuider  les  bources  et  remplir  les  aureilles,  d'autant  qu'en  disant  la  bonne  fortune,  ilz  paissent  de  vent  les  curieux  et  tirent  d'eux  tout  ce  que  ilz  veulent  apres  qu'une  fois  ilz  les  ont  ensorcelez.  Ilz  diront  donc  a  un  homme  combien  il  aura  de  femmes.  Ouy,  mais  trouvent  ilz  en  son  astre  la  nativite  de  sa  premiere  femme,  pour  savoir  combien  elle  vivra?  Par  ce  moyen  les  femmes  n'auroyent  plus  de  nativite  propre,  pource  qu'elles  seroient  subiettes  au  regard  de  la  nativite  des  hommes.  En  somme,  par  cela  l'horoscope  de  chacun  homme  particulier  eomprendroit  le  iugement  de  toute  la  disposition  d'un  pais,  veu  qu'ilz  se  vantent  de  povoir  [page  19]  iuger  si  un  homme  sera  heureux  en  mariage:  s'il  aura  bonne  ou  mauvaise  rencontre  par  les  champs  :  4)  en  quelz  dangers  il  pourra  tomber:  s'il  sera  occis  ou  s'il  mourra  de  maladie.  Regardons  maintenant  avec  combien  de  gens  nous  traffiquons  en  vivant.  Si  les  Mathematiciens  n'ont  leurs  volontez  et  leurs  fortunes  en  la  manche,  qu'est-ce  qu'ilz  nous  en  peuvent  promettre?  Parquoy  ce  que  i'ay  dit  est  vray,  qu'ilz  ne  sauroyent  iuger  d'un  homme  comme  ilz  en  font  profession,  que  sa  nativite  ne  leur  fust  un  miroir  pour  contempler  tous  ceux  avec  lesquelz  il  conversera.  Qu'on  iuge  par  raison  si  cela  se  peut  faire,  et  s'il  y  a  quelque  verisimilitude.  Ie  concludz  donc  que  tous  ceux  qui  entreprennent  de  cognoistre  les  evenemens  d'un  homme  par  1)  singulari  favore.  2)  adulterina  et  fallax.  3)  Aulus  Gellius.  4)  peregrinaturus.