6:521  REFORMANDAE  ECCLESIAE.  notum  est  illud  [pag.  118]  Ieremiae:  frustra  verbis  mendacibus  gloriari  impios  sacerdotes,  dum  clamitant:  tempium  Domini,  templum  Domini,  templum  Domini:  quum  ex  templo  Domini  speluncam  latronum  fecerint  (Ier.  7,  4).  Similiter  ecclesiae  unitatem,  qualis  a  Paulo  describitur,  testamur  nobis  esse  sacrosanctam,  et  anathema  pronunciamus  adversus  omnes,  qui  eam  ullo  modo  violaverint.  Ab  hoc  itaque  principio  unitatem  ducit  Paulus,  quod  unus  sit  Deus,  una  fides,  unum  baptisma:  quod  unus  sit  omnium  pater,  qui  nos  in  spem  unam  vocaverit  (Ephes.  4,  5).  Tunc  ergo  unum  erimus  corpus,  ut  unus  spiritus,  quemadmodum  illic  praecipit,  si  uni  Deo  adhaereamus,  idque  fidei  nodo  inter  nos  colligati.  Porro  memoria  repetendum  quod  alibi  dicit:  fidem  esse  ex  Dei  verbo  (Rom.  10,  17).  Sit  ergo  hoc  constitutum,  tunc  constare  inter  nos  sanctam  unitatem,  quum  in  pura  doctrina  consentientes  in  unum  Christum  coalescimus.  Et  sane,  si  in  quamlibet  doctrinam  conspirare  sufficeret,  quo  iam  indicio  amplius  a  profanis  impiorum  factionibus  Dei  ecclesia  discerneretur?  Quamobrem  paulo  post  subiungit  apostolus,  ad  aedificationem  ecclesiae  institutum  esse  a  Christo  ministerium,  donec  perveniamus  in  fidei  unitatem,  hoc  e&t,  agnitionem  filii  Dei:  ne  simus  amplius  pueri,  qui  circumferamur  quolibet  vento  doctrinae,  sed  veritatem  sectantes  in  caritate,  crescamus  in  illum  qui  est  caput  (Ephes.  4,  14).  Poteratne  apertius  totam  ecclesiae  unitatem  includere  in  sancta  verae  doctrinae  concordia,  quam  dum  ad  Christum,  ad  fidem,  [pag.  119]  quae  eius  agnitione  continetur,  ad  veritatis  obedientiam  revocat?  Neque  vero  hoc  longa  demonstratione  opus  habet  apud  eos,  qui  ecclesiam  cogitant  ovile  illud  esse,  cui  solus  Christus  praeest:  ubi  una  eius  vox  auditur  et  discernitur  ab  alienorum  voce.  Atque  id  quoque  alibi  confirmat,  quum  pro  Romanis  Deum  precatur,  ut  unum  sentiant  omnes,  sed  secundum  Christum:  ut  unanimes  honorent  Deum  (Rom.  15,  5).  Froinde  ad  Christum  accedant  adversarii  nostri  primum,  et  tunc  reos  schismatis  nos  faciant,  quod  ab  ipsis  in  doctrina  dissidere  ausi  simus.  Quum  vero  iam  planum  fecerim,  profligatum  esse  Christum  ex  eorum  contubernio,-exterminatam  esse  evangelii  eius  doctrinam,  hoc  tantum  in  nobis  accusant,  quod  Christo  potius  adhaereamus,  quam  sibi.  Cui  enim,  obsecro,  persuadeant,  quicunque  abduci  a  Christo  eiusque  veritate  recusent,  ut  se  in  hominum  tradant  potestatem,  eos  schimaticos,  et  ab  ecclesiae  consortio  tranfugas  esse?  Fateor  certe,  honorem  habendum  esse  sacerdotibus,  et  magnum  esse  periculum  in  despectu  ordinariae  potestatis.  Quare,  si  non  temere  ordinariae  potestati  resistendum  esse  dixerint,  non  difficulter  subscribimus.  Neque  enim  rudes  adeo  sumus,  quin  videamus  quanta  sit  futura