5:521  ACTES  DE  RATISBONNE.  Or  notamment  nous  separons  le  peche  originel  de  l'actuel,  en  telle  sorte  que  nous  disons  le  peche  originel  consister  en  la  vraye  deffaillance  de  la  iustice  originelle,  ayant  avec  soy  conioincte  une  qualite  vitieuse  inclinante  a  peche.  Et  hors  mis  [fol.  9]  ce  deffault  et  qualite  vitieuse,  tout  peche  qui  sort  en  quelque  acte,  ou  que  ce  soit  par  pensee,  parolle  ou  oeuvre  externe,  ou  omission  d'oeuvre  deue,  nous  l'appellons  actuel.  Donc  le  peche  originel  prins  selon  sa  propre  nature,  de  mesme  sorte  que  la  racine  est  distinguee  du  fruict,  ainsi  par  Adam  il  s'est  desborde  en  toute  la  posterite  et  a  regne  a  xnort  (Rom.  5,  12).  Et  nous  est  faict  des  nostre  nativite  propre  a  tous,  par  seule  generation,  selon  ce  que  escript  l'Apostre  :  Devant  qu'ilz  fussent  naiz  ou  eussent  faict  aucun  mal  etc.  (Rom.  9,  11).  Et  en  autre  passaige:  La  mort  a  regne  -depuis  Adam  mesme  en  ceux  qui  n'ont  point  peche  (Rom.  5,  14).  Et  toutefois  c'est  une  chose  toute  certaine  que  ceste  seule  privation  de  iustice,  ayant  ceste  qualite  vitieuse  annexee,  est  une  chose  ou  peche  digne  de  mort.  Car  Dieu  ne  recongnoist  point  son  image  en  tel  homme  accable  en  peche,  ny  ne  voyt  en  luy  aucune  congnoissance  divine  ny  amour.  Et  ceste  est  la  cause  pour  laquelle  nous  naissons  tous  enfans  d'ire  (Ephes.  2,  3),  en  telle  sorte,  que  mesme  les  petitz  enfans,  qui  trespassent  n'estans  encore  naiz  de  rechef,  ne  sont  pas  quittes  de  ceste  damnation,  qui  est  constituee  en  la  privation  de  la  vision  et  lumiere  divine.  Car  encor  que  en  nous  ayt  quelque  demourant  de  l'image  de  Dieu,  ce  que  nous  appellons  lumiere  de  nature,  par  laquelle  nous  nous  eslevons  a  congnoissance  de  Dieu,  telle  quelle:  toutefoys  pource  que  ceste  relique  est  si  petite,  a  cause  de  la  grandeur  de  la  souillure,  de  la  advient,  que  Dieu  n'estime  point  cela,  pource  qu'il  n'a  nulle  force  pour  faire  vraye  et  spirituelle  iustice,  combien  qui  soit  suffisant  pour  condamner  ceux  qui  ne  se  rendent  subiectz  a  la  iustice  de  Dieu.  Or  ce  peche  originel  est  dissoulz  par  le  lavement  de  regeneration,  et  renouvellement  en  la  parolle  de  vie,  fonde  sur  le  merite  de  la  passion  de  Christ.  Car  l'imputation  de  ce  mal  est  anneanty  au  baptesme,  par  le  merite  de  Christ,  et  la  grace  de  Dieu  est  restituee;  lors  aussi  la  force  de  concupiscence  est  rabbatue,  et  ce  apres  que  l'Esprit  de  Christ  est  donne,  qui  excite  en  l'homme  nouveaux  et  sainctz  mouvemens,  [fol.  10]  ainsi  que  l'Apostre  enseigne,  quand  il  dict:  Tout  ainsi  que  par  le  peche  d'un  seul,  le  mal  est  parvenu  a  tous  hommes  en  condemnation,  aussi  par  la  iustification  d'un  seul,  le  don  est  parvenu  a  tous  hommes  en  la  iustification  de  vie  (Rom.  5,  18).  Comme  par  la  desobeissance  d'un  seul,  plusieurs  avons  este  constituez  pecheurs,  ainsi  par  l'obeissance  d'un  seul,  plusieurs