39:521  521  IN  LAMENT.  IEREMIAE.  CAP.  I.  522  vera  ratio  docendi,  nempe  dum  humiliantur  homines,  et  illis  proponitur  iusta  sua  damnatio,  deinde  animantur  ad  bene  sperandum,  et  porrigitur  etiam  illis  manus,  ut  Deum  invocent,  nec  dubitent  in  extremis  suis  malis  ab  ipso  auxilium  non  modo  sperare,  sed  etiam  flagitare.  Hunc  ordinem  tenuit  propheta,  ut  discamus  in  rebus  adversis  semper  descendere  in  nos  ipsos,  et  agnoscere  iustum  reatum:  deinde  ubi  demersi  fuerimus,  etiam  discamus  animos  nostros  erigere  fiducia,  ut  inde  nascatur  invocatio,  in  qua  posita  est  nobis  salus.  Unum  mihi  exciderat:  propheta  ut  gratiam  impetret,  dicit,  hostes  magnifice  se  efferre.  Et  hoc  diligenter  notandum  est,  quia  quod  videtur  nobis  occasionem  dare  desperandi,  potius  nos  ad  bene  sperandum  animare  debet,  nempe  quum  hostes  insolescunt,  et  sese  diabolica  arrogantia  efferunt,  et  nobis  insultant.  Quo  maior  ergo  est  illorum  et  minus  tolerabilis  superbia,  eo  maiore  fiducia  invocare  Deum  licet:  quia  non  frustra  dictavit  nobis  spiritus  sanctus  hanc  formam,  quod  scilicet  Deus  propitius  nobis  erit  quum  hostes  ita  magnifice  egerint,  hoc  est,  quum  ita  sine  modo  superbierint,  et  se  intemperanter  proiecerint  ad  omnem  contemptum.  Sequitur,  10.  Manum  suam  extendit  hostis  ad  omnia  desiderabilia  eius:  quia  vidit  gentes,  quum  ingressae  sunt  sanctuarium  ipsius,  de  quibus  praeceperas,  ne  ingrederentur  in  congregationem  tibi  (hoc  est,  quae  tibi  sacrata  est).  Iterum  deplorat  propheta  profanationem  omnium  sacrorum.  Haec  autem  querimonia,  ut  dixi,  ex  acerbissimo  dolore  profecta  fuit:  quia  etsi  triste  esse  debuit  fidelibus,  eiici  omnibus  fortunis,  vagari  in  exsilio,  et  premi  rerum  omnium  penuria:  tamen  hoc  debuit  esse  molestius,  videre  templum  Dei  pollui,  probris  affici  totam  religionem.  Hanc  ergo  cladem  rursus  deplorat  propheta  quum  dicit  hostes  manum  suam  extendisse  contra  omnia  desiderabilia.  Iam  per  desideria  vel  desiderabilia  non  intelligit  opes,  non  intelligit  quidquid  pertinet  ad  statum  terrenae  et  caducae  vitae  :  sed  thesaurum  illum  inaestimabilem,  quem  deposuerat  Deus  apud  electum  populum.  Extendit  ergo  manum  hostis  contra  altare,  contra  mensam,  contra  arcam  foederis,  contra  omnia  vasa  sacra.  Iam  augetur  indignitas,  quod  scilicet  viderit  Ierosolyma  gentes  ingredi  in  suum  sanctuarium.  Est  enim  relativum  feminini  generis.  Sed  sanctuarium  Ierosolymae  hic  vocatur  ipsum  templum  Dei,  quia  tametsi  proprie  loquendo  erat  unum  Dei  sanctuarium  :  simul  tamen  erat  populi,  quia  Deus  non  propter  aliquam  suam  utilitatem  voluerat  sibi  exstrui  templum:  spectabat  potius  salutem  populi  sui.  Tere  igitur  sanctuarium  populi  dicitur,  quod  Deus  sibi  sacraverat.  Et  postea  rursus  indignitatem  au-