37:521  521  IN  IEREMIAM.  CAP.  II.  522  quam  haereditas  mihi  pretiosa,  tanquam  vitis  exquisita,  et  generosa*  Ego  igitur  te  plantavi  p"W,  hoc  est,  plantavi  te  vitem  generosam,  ut  mihi  afferres  fructum.  Totam,  inquit,  semen  fidele,  hoc  est,  te  plantavi  in  hunc  finem,  ut  mihi  proferres  gratos  et  amoenos  fructus.  Respicit  hic  Deus  gratiam  suam,  non  naturam  populi.  Neque  enim  populus  unquam  fuit  semen  verax,  quemadmodum  satis  notum  est:  sed  hic  Deus  ostendit  quo  consilio  redemerit  populum,  nempe  ut  esset  similis  viti  electae.  Quomodo  igitur?  hic  de  corruptelis  loquitur  Deus  per  admirationem,  quia  talis  erat  indignitas,  quae  posset  quasi  attonitos  omnes  reddere:  quomodo  igitur  conversa  es  mihi  in  degener  ationes?  D*11D  ego  interpretor  hoc  modo:  quanquam  nomen  apud  Latinos  non  est  in  communi  usu:  sed  mihi  satis  est,  si  teneamus  prophetae  mentem.  Nomen  hoc  descendit  a  "TO,  quod  est  se  avertere.  Ergo  proprie  dicendum  esset,  in  aversiones.  Sed  quoniam  hoc  esset  obscurum,  ubi  de  vite  agitur,  non  dubitavi  eligere  aliud  nomen.  Quomodo  igitur  conversa  es  mihi  in  degener  ationes  vitis  alienae?  Alii  vertunt,  in  sarmenta  inutilia:  sed  nescio  unde  sumpserint.  Ego  igitur  retineo  quod  magis  genuinum  est,  nempe  vitem  quae  generosa  esse  debebat,  sic  degenerasse,  ut  non  proferat  nisi  labruscas,  quemadmodum  etiam  alio  loco  videbimus.  Et  vocat  aversiones  vitis  alienae,  quae  desiit  scilicet  esse  p"W,  et  conversa  est  in  vitem  sylvestrem,  quae  non  producit  fructus  nisi  acerbos  vel  amaros:  et  denique  tibi  nulla  est  utilitas,  merito  Deus  vocat  alienam  vitem.  Sequitur,  22.  Etiam  si  laveris  te  nitro  (ut  vertunt),  et  multiplicaveris  tibi  borith  (alii  exponunt  herbam  fullonum,  alii  saponem  :  quod  ad  rei  summam  spectat,  nulla  est  ambiguitas,  quoniam  intelligit  Deus  nullo  artificio,  nullis  herbis  posse  maculas  populi  purgari),  impressa  est,  inquit  (vel  insculpta  est,  vel  signata,  ut  alii  vertunt),  iniquitas  tua  coram  facie  mea,  dicit  Dominus  Iehovah.  Iam  vidimus,  et  saepius  idem  repetet  propheta,  populum  illum  ita  fuisse  praefractum,  ut  non  libenter  cederet  ullis  obiurgationibus.  Nam  erant  omnes  fere  perfrictae  frontis,  et  ita  obduruerant  in  sua  malitia,  ut  auderent  procaciter  excipere  adversus  prophetas,  quoties  severe  cum  illis  agebant,  Quid?  An  non  sumus  sacer  Dei  populus?  An  non  elegit  nos?  An  non  sumus  sanctum  semen  Abrahae?  Ideo  necesse  fuit  prophetis,  opponere  duro  nodo  durum  cuneum,  quemadmodum  loquuntur.  Quum  ergo  similes  essent  Israelitae  ligno  nodoso,  oportuit  duriter  percuti  illam  pervicaciam.  Hac  ratione  nunc  dicit  Ieremias,  Etiam  si  laveris  te  nitro,  multiplicaveris  tibi  borith:  tamen  iniquitas  tua  coram  me  signata  est,  hoc  est,