32:521  521  SUR  LE  PSEAUME  CXIX.  522  comme  il  n'oublie  iamais  les  siens,  mais  qu'il  les  garde,  et  qu'il  veille  tousiours  sur  eux.  Mais  quoy?  Il  faut  bien  que  nous  prenions  garde,  micux  que  nous  ne  faisons,  a  tous  les  benefices  de  Dieu,  afin  de  pouvoir  venir  a  ceste  consideration  de  la  raison  que  David  ameine  yci:  c'est  ascavoir,  que  nous  puissions  alleguer  a  Dieu,  qu'il  nous  a  respondu.  Or  il  y  en  a  bien  peu  qui  puissent  faire  cela.  Et  pourquoy?  Car  si  nous  sommes  en  quelque  necessite,  nous  ne  pensons  point  a  invoquer  Dieu,  voire  encore  que  le  mal  nous  presse  tant  et  plus.  Encore  que  nous  le  facions  alors,  tant  y  a  que  si  tost  que  nous  sommes  eschappez,  nous  ne  cognoissons  point  que  c'a  este  Dieu  qui  a  eu  pitie  de  nous:  cela  est  mis  en  oublv  et  sous  le  pied.  D'autant  donc  que  nous  n'avons  nulle  memoire  des  benefices  de  Dieu,  voyla  qui  est  cause  que  nous  ne  pouvons  pas  luy  dire,  quand  ce  vient  a  le  prier  derechef,  Seigneur,  tu  m'as  respondu.  Car  (comme  i'ay  dit)  nostre  ingratitude  nous  empesche  que  nous  n'avons  telle  experience  et  prattique  en  nous  pour  prier  Dieu  incessamment.  Et  voyla  aussi  qui  est  cause  d'une  telle  froidure  et  laschete  en  nos  prieres  :  car  si  nous  estions  attentifs  a  rememorer  les  graces  de  Dieu:  o!  il  est  certain  que  nous  serions  tousiours  munis  quand  il  seroit  question  de  nous  presenter  devant  luy,  pour  dire,  Helas  Seigneur,  ie  n'y  suis  pas  nouveau:  et,  Seigneur,  il  ne  faut  pas  que  ie  trouve  estrange  de  me  presenter  a  toy,  tu  m'y  as  donne  accez  et  liberte:  ce  n'est  pas  de  maintenant  que  tu  me  fais  du  bien,  i'ay  experimente  ta  grace  des  mon  enfance:  et  quand  ie  voudroye  alleguer  le  nombre  combien  de  fois  i'ay  este  exauce  de  toy,  cela  seroit  infini:  ie  me  puis  donc  bien  reposer  sur  toy,  esperant  que  tu  continueras  ta  bonte,  comme  tu  es  tousiours  prest  de  ce  faire.  Or  d'autant  que  nous  sommes  si  ingrats  envers  Dieu  a.  recognoistre  ses  benefices  comme  il  appartient:  voyla  pourquoy  nous  ne  pouvons  faire  nostre  profit  de  ceste  confession  en  verite,  pour  confermer  nostre  esperance  a  l'advenir,  comme  il  seroit  bon.  Au  reste,  il  nous  faut  noter,  que  nous  ne  devons  point  proceder  avec  Dieu,  comme  avec  les  hommes  mortels.  Car  si  un  homme  nous  a  fait  du  plaisir,  il  est  vray  que  nous  luy  pourrions  alleguer,  comme  on  fait  communement,  Ie  seray  d'autant  plus  tenu  a  vous,  puis  que  desia  vous  m'y  avez  oblige,  cecy  viendra  avec  le  reste:  mais  tant  y  a  encores  que  si  nous  avons  emprunte  d'un  homme  beaucoup,  nous  serons  honteux  d'y  retourner  tant  de  fois.  Or  envers  Dieu  il  n'est  point  question  d'y  aller  ainsi.  Et  pourquoy?  Car  Dieu  ne  se  lasse  iamais  de  bien  faire  comme  font  les  hommes,  et  puis  il  ne  diminue  point  ses  facultez  quand  il  nous  fait  du  bien.  Si  un  homme  nous  eslargit  do  son