9:520  siam  a  nobis  minime  vocatur,  Christi  carnem  vere  esse  cibum,  et  sanguinem  vere  esse  potum:  quia  et  vere  a  nobis  percipiuntur,  et  in  solidam  vitam  sufficiunt.  Hanc  quoque  communicationem  in  sacra  coena  exhiberi  profitemur.  Quisquis  ultra  urget,  metas  certe  transsilit.  In  verbo  quoque  essentiali  insistere,  non  est  rationi  consentaneum,  quando  de  sacramentis  agitur,  [pag.  96]  quibus  peculiarem  loquendi  formam  scriptura  assignat.  Unde  sequitur  sacramentali  modo  debere  haec  verba  exponi:  Hoc  est  corpus  meum.  Item  :  Panis  quem  frangimus  communicatio  est  corporis  Christi.  Porro  quod  suspicantur  quidam  subesse  aliquid  periculi,  facile  est  huic  timori  obviam  ire.  Quia  sacramentalis  loquutio  esse  dicitur,  1)  figura  veritatem  everti  putant.  Atqui  tenendum  est  figuram  non  pro  inani  spectro  poni,  sed  grammatice  sumi  ad  notandam  metonymiam,  ne  quis  putet  ita  simpliciter  panem  vocari  corpus  Christi,  ut  Christus  ipse  vocatur  Dei  filius.  Nomen  ergo  corporis  figurate  ad  panem  transfertur:  neque  tamen  figurative,  ac  si  nudam  et  vanam  corporis  sui  imaginem  oculis  nostris  obiiceret  Christus,  quia  veritas  a  figura  non  excluditur,  sed  tantum  notatur  discrimen  inter  signum  et  rem  signatam:  quod  coniunctioni  non  repugnat.  Si  modo  facessant  cavillationes,  ut  in  concordia  quaerenda  fieri  decet,  nihil  est  in  hac  docendi  ratione  odiosum,  vel  quod  in  sinistram  partem  trahi  debeat:  .et  tam  sensu  quam  usu  communi  semper  approbata  fuit.  In  primis  obstaculum  de  corporis  immensitate  submovere  necesse  est.  Nisi  eum2)  constet  finitum  esse,  coeloque  comprehendi,  nulla  erit  dissidii  conciliandi  ratio.  Nam  quod  absurdum  quibusdam  esse  videtur,  non  ubique  esse  ex  quo  divinitati  unitum  est,  facile  diluitur.  Etsi  enim  naturae  duae  unam  mediatoris  personam  efficiunt,  utrique  tamen  manet  sua  proprietas  distincta  :  quando  quidem  aliud  est  unio  quam  unitas.  Nec  de  ea  re  olim  disceptatum  fuit,  quia  uno  omnium  consensu  receptum  erat,  Christum  filium  Dei,  mediatorem  et  caput  nostrum,  sicuti  in  gloriam  coelestem  semel  est  [pag.  97]  receptus,  ita  locorum  intervallo,  quoad  carnem,  esse  a  nobis  dissitum:  divina  autem  essentia  et  virtute,  gratia  etiam  spirituali  coelum  et  terram  implere.  a)  Hoc  constituto,  licebit  admittere  loquendi  formas,  in  quibus  nonnulli  ob  ambiguitatem  sunt  perplexi:  sub  pane  vel  cum  pane  nobis  dari  Christi  corpus,  quia  non  substantialis  unio  corruptibilis  cibi  cum  Christi  carne,  sed  sacramentalis  notatur  coniunctio.  Hoc  autem  controversia  caret  apud  omnes  1)  figurata  esse  dicitur  MS.  2)  Ste  mendose  libri  impressi.  Cum  autogr,  legendum:  enim.3  )  replere  MS.