7:520  la.  Ie  dy  mesmes,  touchant  des  causes  naturelles  qu'on  appelle  inferieures.  Car  1)  la  semence  dont  les  enfans  sont  procreez  precede  et  est  de  plus  grande  importance.  Ie  dy  secondement  que  les  Astrologues  se  fondent  mal  en  iugeant  par  la  nativite  plustost  que  par  la  generation.  Or  est-il  ainsi  que  la  generation  leur  est  mcogneue.  Ainsi,  ilz  n'ont  [page  16]  nulle  certitude  de  iugement.  Tiercement,  ie  dy  que  Dieu  besogne  en  plusieurs  d'une  grace  specialle,  mesmes  en  formant  leur  nature,  en  maniere  que  la  constellation  n'y  aura  point  de  lieu,  ou  pour  le  moins  y  sera  esteinte,2)  pour  n'estre  point  apperceue  des  hommes.  Voyla  quant  a  l'inclination  naturelle.  Mais  si  nous  venons  a  la  grace  que  Dieu  fait  a  ses  enfans  lorsqu'il  les  reforme  par  son  Esprit  et  les  change  tellement  qu'ilz  sont  nommez  a  bon  droit  Nouvelles  creatures:  que  deviendront  tous  les  regards  des  planettes?  Est-ce  la  que  Dieu  a  fonde  son  election  eternelle?  Si  les  Grenethliaques  alleguent  qu'on  en  peut  bien  user  comme  de  moyens  inferieurs,3)  c'est  une  cavillation  trop  sotte.  Nous  voyons  comment  Dieu  a  voulu,  de  propos  delibere,  nous  retirer  de  telles  consyderations,  quand  il  fait  naistre  en  second  lieu  ceux  qu'il  vouloit  preferer,  comme  nous  en  avons  l'exemple  en  Iacob.  Car  pourquoy  est-ce  qu'Esau,  qui  devoit  estre  reiette,  est  venu  devant,  si  ce  n'est  que  Dieu,  en  rompant  l'ordre  commun  de  nature,  nous  a  voulu  eslever  plus  haut,  nous  admonnestant  par  cela  que  nous  devons  avoir  les  yeux  fichez  a  sa  seule  volonte,  sans  les  divertir  a  cercher  autres  causes?  Arrestons  nous  seulement  a  ce  mot,  que  Dieu  [page  17]  reforme  en  sorte4)  les  hommes,  les  appellant  a  soy,  qu'ilz  deviennent  du  tout  nouveaux.  Ii  est  dit  de  Saul,  quand  Dieu  le  veut  disposer  pour  estre  Roy,  qu'il  le  fera  tout  autre  qu'il  n'a  este.  Cela  n'avient  point  pour  quelque  constellation:  ains  Dieu  besongne  en  luy  outre  et  par  dessus  le  cours  de  nature.5)  S'il  le  fait  en  un  homme  qu'il  a  eleu  pour  le  regime  temporel,  que  sera  ce  de  ceux  qu'il  a  adoptez  pour  ses  enfans  et  heritiers  du  royaume  celeste?  Certes,  il  faut  bien  que  cela  surmonte  tout  le  firmament.6)  Et  de  fait,  quiconque  nie  que  la  regeneration  ne  soit  une  oeuvre  de  Dieu  supernaturelle,  non  seulement  se  monstre  profane,  mais  renonce  ouvertement  la  Foy  chrestienne.  A  ceste  cause,  il  nous  faut  limiter  la  vertu  des  astres  a  ce  qui  attouche  le  monde  et  appartient  au  corps,  et  1)  Toutes  les  editions  posterieures  a  la  premiere  (ainsi  que  le  latin)  lisent:  Ie  di  mesme  .  .  .  .  inferieures,  que  .  .  .  .  2)  ita  demersa,  latens,  obscurata.  3)  causis  inferioribus  et  proximis.  4)  tellement  1566  suiv.  5)  et  praeterquam  quod  humana  ratione  atque  intelligentia  comprehendi  potest.  6)  mundi  fabricam  rerumque  naturam.