48:520  sionem  omnis  aditus.  Ita  confidenter  iactant  calumniatores,  se  rem  afferre  probatam,  ut  oculos  iudicibus  perstringant  10.  Respondit  autem  Paulus,  quum  annuisset  ipsi  praeses  ut  diceret:  Meliore  animo  pro  me  ipso  causam  dico,  quum  sciam  te  a  multis  iam  annis  fuisse  iudicem  huic  genti:  ll.  qui  possis  cognoscere  quod  non  plures  sunt  mihi  dies  quam  duodecim,  ex  quo  adscendi  adoraturus  Ierosolymam.  12.  Et  neque  in  templo  invenerunt  me  cum  aliquo  disputantem,  aut  concursum  facientem  turbae,  neque  in  synagogis,  neque  in  urbe:  13.  neque  probare  possunt  ea,  de  quibus  me  accusant  14.  Confiteor  autem  hoc  tibi,  quod  iuxta  viam  {quam  vocant  haeresim)  sic  colo  patrium  Deum,  credens  omnibus,  quae  in  lege  et  prophetis  scripta  sunt:  15.  spem  habens  in  Deum,  fore  quam  et  hi  ipsi  exspectant  resurrectionem  mortuorum,  iustorum  simul  et  iniustorum.  16.  In  hoc  vero  ipse  studeo  sine  offendiculo  conscientiam  habere  erga  Deum  et  erga  homines  semper.  17.  Post  annos  autem  plures  accessi,  eleemosynas  exhibiturus  in  gentem  meam  et  oblationes:  18.  in  quibus  compererunt  me  purificatum  in  templo,  haud  cum  turba,  neque  cum  tumultu.  19.  20.  Quidam  autem  ex  Asia  Iudaei,  quos  oportebat  apud  te  praesto  esse,  et  accusare  si  quid  haberent  adversum  me:  21.  aut  hi  ipsi  dicant  si  quid  deprehenderunt  in  me  iniquitatisi  quum  steti  in  synedrio:  22.  nisi  de  una  hac  voce,  qua  clamavi  stans  inter  eos  :  De  resurrectione  mortuorum  ego  iudicor  hodie  a  vobis.  10.  Respondit  Status  defensionis  paulinae  in  qualitate  non  versatur:  sed  infitiatur  obiectum  sibi  crimen.  Non  quod  ipsum  puderet  evangelii,  vel  crucem  refugeret:  sed  quia  planior  fidei  confessio  locum  tunc  non  habebat.  Ergo  omissa  evangelii  causa,  quam  accusator  non  attigerat,  simpliciter  ad  obiectas  sibi  calumnias  respondet.  Sed  priusquam  huc  descendat,  se  libentius  coram  Felice  causam  agere  praefatur,  quia  diu  Iudaeae  praefuerit:  quod  scilicet  novus  aliquis  praeses  propter  inscitiam  forte  perculsus  esset  tam  atroci  delatione.  Non  laudat  praesidis  virtutes:  sed  gaudere  se  dicit,  quod  diuturnum  usum  habeat,  ut  magis  composite  iudicet.  Atque  haec  sincera  est  ac  ingenua  defensionis  ratio,  rem  verbis  opponere.  Perperam  tamen  videtur  colligere  Paulus,  Felicem,  quia  iam  a  multis  annis  sit  praeses,  posse  cognoscere  adventus  sui  tempus.  Respondeo,  hoc  ideo  dici,  quia  consentaneum  sit  moderatius  eum  agere:  ac  si  diceret:  Quia  tu  pridem  assuefactus  es  ad  eorum  mores,  minus  timeo  ne  te  circumveniant.  Imperitia  enim  iudices  reddere  solet  nimis  credulos  et  ad  praeposteram  festinationem  impellere.  11.  Adoraturus.  Primo  certum  est  aliis  de  causis  eum  venisse,  et  postea  hanc  fuisse  praecipuam