39:520  semper  nos  urgebit  miseria:  continget  aliqua  mutatio  in  melius.  Quoniam  ergo  solent  homines  hoc  modo  se  fulcire  in  rebus  adversis  :  dicit  Iudaeos  non  fuisse  recordatos  finis  sui,  hoc  est,  ita  fuisse  dementatos  suo  moerore,  ut  obstupescerent,  neque  quidquam  sperarent  in  futurum  tempus.  In  summa  his  verbis  designat  extremam  desperationem,  quia  obstupefacti  fueruntludaei,  ita  ut  mentes  suas  non  possent  erigere  in  bonam  spem.  Causa  etiam  exprimitur,  quia  descenderint  mirabiliter,  hoc  est,  quia  deiecti  fuerint  prodigioso  quodam  modo.  Nomen  hic  ponitur  vice  adverbii:  DW^D  ponitur  hic  in  masculino  genere,  aliquando  mfrOE��  dicitur,  sed  eodem  sensu.  Ad  miraculum  ergo  dicit  Iudaeos  fuisse  demersos.  Sed  per  miraculum  intelligit  prodigium.  Accipitur  enim  in  malam  partem.  Mirabiliter  ergo  descendit  Ierosolyma,  unde  factum  est,  ut  succubuerit  suis  miseriis,  neque  animum  suum  ad  spem  aliquam  convertat,  neque  attendat  ad  alium  finem  :  sed  obtorpeat  in  suis  miseriis,  quemadmodum  solent  homines  desperati,  et  qui  existimant  actum  esse  de  salute  sua.  Repetit  quod  ante  dixerat,  neminem  fuisse  consolatorem.  Haec  diligenter  notanda  sunt,  quia  hodie  Satan  nos  ad  desperationem  sollicitat  variis  modis.  Iam  ut  nos  avertat  ab  omni  fiducia  gratiae  Dei,  proponit  extremas  calamitates.  Ubi  autem  moeror  sic  sensus  nostros  occupat,  ut  non  affulgeat  nobis  spes  gratiae,  nascitur  ex  illo  immodico  dolore  intemperies,  quae  nos  abripit  in  furorem.  Hinc  fit,  ut  obstrepamus  et  postea  tumultuemur  contra  Deum.  Quoniam  ergo  hodie  suppetit  Satanae  materia  ad  nos  turbandos,  ut  succumbamus  doloribus:  tenenda  est  haec  doctrina  prophetae,  Ierusalem  scilicet  quae  vera  erat  et  unica  ecclesia  Dei  tunc  in  mundo,  fuisse  tot  et  tantis  malis  obrutam,  ut  non  recordaretur  finis  sui  Hoc  quidem  de  externa  specie  intelligi  debet.  Neque  enim  dubium  est,  quin  Deus  sustinuerit  animos  piorum,  et  quin  semper  lenierit  ipsorum  dolorem,  ut  ad  finem  suum  attenderent.  Sed  refertur  ad  vulgus  ipsum,  deinde  ad  externam  speciem  quod  dicit  propheta,  Iudaeos  non  recordatos  esse  finis  sui.  Nunc  hortatur  ipsos  ad  precandum  et  verba  etiam  suggerit.  Loquitur  enim  quasi  in  omnium  persona,  Vide  Iehovah  afflictionem  meam,  quia  sese  magnifice  extulit  hostis.  Quanquam  propheta  hic  repraesentat  ecclesiam,  tamen  non  dubium  est  quin  pro  suo  officio  hortetur  ad  bene  sperandum,  et  ad  precandum  illos  animet.  Neque  enim  concipi  potest  vera  et  seria  precatio  sine  fiducia.  Ubi  enim  gustus  gratiae  Dei  nobis  periit,  fieri  non  potest  ut  ex  animo  precemur.  Solae  autem  sunt  promissiones,  ex  quibus  possumus  gustare  paternam  Dei  bonitatem.  Ergo  dubium  non  est  quin  propheta  hic  Iudaeis  promittat  certam  salutem,  modo  se  ad  Deum  convertant,  et  statuant,  ac  certo  persuasi  sint,  illum  fore  liberatorem.  Nunc  ergo  videmus  qualis  sit