9:52  et  qui  eam  acerrime  tutati  sunt,  familiaris  deinde  usus  mihi  fuit:  qui  me  certatim  omnes  amice  amplexi  sunt.  Quin  etiam  Lutherus  ipse  quum  scripta  mea  inspexisset,  quale  de  me  iudicium  fecerit,  mihi  per  testes  idoneos  [pag.  12]  probare  non  difficile  erit.  Sed  mihi  unus  pro1  multis  erit  Philippus  Melanchthon.  Accidit  postea  infeliciter,  ut  Lutherus  ab  iisdem  accensus  flabellis,  quibus  nunc  turbatur  ecclesiae  quies,  privatim  adversus  Tigurinos  rursum  excandesceret.  Nam  etsi  longius  interdum  quam  par  esset  ferebat  eum  ingenii  vehementia,  nunquam  tamen  sponte  ad  pristinam  contentionem  raptus  esset,  nisi  a  pestiferis  facibus  suggestus  fuisset  tantus  ardor.  Mihi,  ut  plurimis  aliis  Dei  cultoribus  et  Christi  ministris,  non  parum  tunc  doluit,  res  denuo  sic  esse  exulceratas.  Quod  tamen  unum  mihi  restabat,  tacitus  in  sinu  meo  gemui.  Interea  ne  qua  dissensionis  species  ecclesias  in  his  partibus  scinderet,  vel  suspicio  esset  diversas  opiniones  hinc  inde  foveri,  et  quia  fremebant  quidam,  mihi  cum  eximiis  viris  fidisque  Christi  ministris,  ecclesiae  Tigurinae  doctoribus,  non  satis  convenire,  non  abs  re  fore  utrinque  visum  est,  si  mutui  nostri  consensus  testimonium  ederetur.  Summam  controversae  doctrinae  sumus  ita  breviter  complexi,  ut  simplex  et  perspicua  exstaret  fidei  nostrae  confessio.  Hanc  [pag.  13]  novi  incendii  materiam  fuisse  quis  dicet?  Surrexit  Ioachimus  quidam  Westphalus,  et  quasi  intolerabile  crimen  esset,  ne  qua  inter  fratres  vel  obscura  simultas  resideat,  omnem  offensionum  memoriam  delere,  ad  arma  conclamans  tumultu  omnia  replevit.  Legatur  eius  Farrago  :  l  )  reperient  lectores,  non  tam  ei  fuisse  propositum,  doctrinam,  quae  in  formula  Consensus  a  nobis  comprehensa  est,  quam  consen-  1)  ce  qu'il  a  rappetasse.  Alludit  ad  Westphali  libellum  cui  titulus  est:  Farrago  confusanearum  et  inter  se  dissidentium  opinionum  de  coena  Domini  ex  Sacramentariorum  libris  congesta.  1552.