8:52  virtutum  odio  suis  peraeque  et  aliorum  vitiis  libenter  indulgent.  Populus  autem  ut  gratiam  referat,  eos  amat  solos,  amplectitur,  fovet:  atque  ut  suis  delictis  patronos  habeat,  suo  patrocinio  tuetur.  *)  Interea  tamen  non  desinit  scandalum  sibi  ex  corrupta  pastorum  vita  obiicere,  ne  ad  Christum  accedat.  Nimis  id  quidem  perverse  et  impudenter:  sed  neque  excusatione  dignus  quispiam,  quem  a  Christi  accessu  arcebunt  hominum  peccata.  Nihilo  scilicet  magis,  quam  si  quis  ex  fonte  bibere  recuset,  quia  sentibus  et  spinetis  dicat  esse  obseptum  :  quum  tamen  obstacula  transcendere  nec  magno  labore  et  sine  periculo  liceat.  Quia  nonnullos  evangelium  in  ore  habentes  scelerate  aut  nequiter  vivere  conspiciunt:  En,  inquiunt,  evangelium.  Quanto  rectius  cum  dolore  agnoscerent,  gravem  fieri  Deo  iniuriam,  quum  doctrinae  vita  tam  male  respondet!  Si  nebulae  terris  caliginem  obducunt,  nemo  tam  insanus  est  aut  improbus,  ut  solem  propterea  caliginosum  vocet.  Atqui  inter  solis  et  evangelii  claritatem  plurimum  interest.  Nam  quum  illum  obscurent  nebulae,  facere  non  potest  hominum  pravitas,  quin  perluceat  sanae  piaeque  doctrinae  splendor,  quo  vita  nostra,  abstersis  tenebris,  in  veram  iustitiam  reformatur.  Ergo  solem,  etiam  dum  absconditus  latet,  fatebimur  esse  lucidum:  conspicuam  evangelii  lucem  et  in  ea  refulgentem  Christi  gloriam  quum  cernamus,  [pag.  65]  oculos  nobis  hominum  peccata,  qualiacunque  tandem  sunt,  perstringent?  Quantum  ad  duces  ipsos2)  spectat,  iam  noverat  Christus  in  ignominiam  doctrinae  maxime  redundare,  si  turpiter  vivunt.  Ut  hoc  scandalum  avertat,  hortatur  ad  servandum  quod  iubent,  etiamsi  ne  minimo  quidem  digito  attingant  onera,  quae  aliorum  imponunt  humeris  (Matth.  23,  3).  Scribarum  tunc  munus  erat  populum  instituere  in  lege  Dei:  illi  autem,  quum  in  cathedra  divinae  essent  legis  interpretes,  domi  et  in  foro  pleni  erant  fraudibus,  superbia,  crudelitate,  periuriis  :  libidinose  quidvis  audebant.  Vult  nihilominus  Christus,  suam  Dei  verbo  autoritatem  intactam  manere.  Non  fuit  haec  saeculi  unius  propria  admonitio  :  quin  potius  hodie  quoque  vox  coelestis  auribus  nostris  inclamat,  utcunque  vitam  professioni  suae  minus  consentaneam  agant  pastores,  perperam  tamen  fieri,  si  quid  hac  causa  evangelio  detrahitur.  Ut  certe  nimis  indignum  est,  quam  Deus  praescribit  bene  vivendi  regulam,  perversa  hominum  vita  metiri.  Reddent  illi  quidem  aliquando  rationem,  ac  sentient  illud  non  e  nihilo  fuisse  denunciatum:  satius  nunc  fore  homini,  suspensa  a  collo  mola,  demergi  in  profundum  maris,  quam  si  unum  quemlibet  ex  minimis  offendat  1)  Add.  Voyla  comment  les  asnes  s'entrefrottent.  2)  ceux  qui  ont  Ia  charge  d'enseigner.