54:52  ayons  ce  poinct  vuide,  qu'il  nous  a  choisis  devant  que  nous  fussions  nais,  et  devant  que  nous  le  peussions  prevenir.  Et  pourquoy?  Car  on  dira  bieu  que  nous  avons  este  rachetez  par  le  sang  de  nostre  Seigneur  Iesus  Christ,  et  que  nous  n'estions  pas  dignes  que  Dieu  nous  monstrast  une  si  grande  misericorde:  mais  cependant  aussi  on  dira,  Et  qui  est-ce  qui  a  part  et  portion  a  une  telle  redemption  que  Dieu  a  faite  en  la  personne  de  son  Fils?  Ce*  sont  ceux  qui  se  veulent,  ce  sont  ceux  qui  cherchent  Dieu,  ceux  qui  s'y  assuiettissent  :  ce  sont  ceux  qui  ont  quelque  bon  mouvement,  qui  ne  sont  point  trop  rudes,  qui  sont  d'un  bon  naturel,  qui  ont  quelque  bonne  devotion.  Or  quand  on  fera  un  tel  meslinge,  et  que  les  hommes  penseront  estre  appelez  a  Dieu  et  a  sa  grace,  pour  quelque  chose  qui  soit  en  eux,  qu'ils  apporteront  quelque  loppin  pour  faire  partage  avec  Dieu  de  leur  salut,  voila  la  grace  de  Dieu  qui  est  obscurcie  d'autant,  voire  comme  deschiree  par  pieces.  Or  voila  un  sacrilege  insupportable.  Pour  ceste  cause  i'ay  dit  que  la  bonte  de  Dieu  iamais  ne  sera  cognue  en  son  entier  comme  il  appartient,  iusques  a  ce  que  l'election  nous  soit  mise  en  avant,  et  qu'on  nous  monstre  que  nous  sommes  auiourd'huy  appelez,  d'autant  que  nostre  Seigneur  a  voulu  estendre  sa  misericorde  sur  nous,  voire  devant  que  nous  fussions  nais.  Voila  en  somme  ce  que  nous  avons  a  retenir.  Il  est  vray  qu'il  faut  que  ceste  doctrine  soit  poursuivie  plus  outre,  mais  nous  ne  pourrions  pas  maintenant,  ce  sera  donc  pour  Papresdinec.  O  r  nous-nous  prosternerons  devant  la  face  de  nostre  bon  Dieu,  etc.  CINQUIEME  SERMON.  Chap.  I,  v.  9.10.  Nous  avons  declare  ce  matin,  suivant  le  texte  de  sainct  Paul,  que  pour  bien  cognoistre  la  bonte  gratuite  de  nostre  Dieu,  en  ce  qu'il  nous  a  sauvez,  il  nous  faut  venir  a  son  conseil  eternel,  par  lequel  il  nous  a  eleus  devant  la  creation  du  monde.  Car  la  nous  contemplons  qu'il  n'a  eu  nul  regard  a  nos  personnes,  ni  a  dignite  qui  fust  en  nous,  ni  a  aucuns  merites  que  nous  puissions  apporter.  Pourquoy?  Devant  que  nous  fussions  nais,  desia  nous  estions  enrollez  en  son  registre,  il  nous  avoit  desia  adoptez  pour  ses  enfans.  Ainsi  donc  apprenons  d'attribuer  le  tout  a  sa  misericorde,  cognoissans  que  de  nostre  part  nous  ne  pouvons  nous  glorifier  sans  luy  desrobber  l'honneur  qui  luy  appartient.  Vray  est  (comme  les  hommes  sont  malins)  qu'encores  on  a  bien  voulu  ici  inventer  des  cavillations  pour  obscurcir  la  grace  de  Dieu.  Car  on  a  dit,  Combien  que  Dieu  ait  eleu  les  hommes  devant  que  le  monde  fust  cree,  que  c'a  este  selon  qu'il  a  preveu  comme  l'un  seroit  different  d'avec  l'autre.  L'Escriture  monstre  assez  comment  Dieu  n'attend  point  que  les  hommes  monstrent  s'ils  sont  dignes  ou  non,  quand  il  les  choisit  :  mais  il  a  semble  aux  Sophistes,  qu'ils  pourroyent  obscurcir  la  grace  de  Dieu,  en  disants  Combien  qu'il  n'ait  point  regarde  les  merites  passez-,  toutesfois  qu'il  a  note  les  merites  a  venir.  Car  (disent-il8)  combien  que  Iacob  et  son  frere  Esau,  n'eussent  fait  ne  bien  ne  mal,  que  Dieu  a  eleu  52