49:52  dum  id  esse  quod  obiectabant,  ne  putetur  evangelii  doctrina  cum  talibus  paradoxis  esse  coniuncta.  Sed  mihi  passiva  significatio  magis  probatur.  Non  enim  consentaneum  fuisset,  tantae  improbitati  simpliciter  annuere,  quae  potius  acerbe  redargui  meretur.  Quod  mihi  facere  videtur  Paulus.  Duplici  autem  nomine  damnabilis  fuit  eorum  perversitas:  primum  quibus  venire  haec  impietas  in  mentem  potuerit  usque  ad  ipsum  assensum:  deinde  qui  traducendo  evangelio  calumniam  inde  instruere  ausi  fuerint.  9.  Quid  ergo?  praecellimus?  Nequaquam.  Ante  enim  constituimus  tam  Iudaeos  quam  Graecos,  omnes  sub  peccato  esse.  9.  Quid  ergo?  Ex  digressione  ad  institutum  redit.  Etenim1),  ne  Iudaei  forte  suo  iure  fraudari  se  exciperent,  ubi  ea  recensuit  dignitatis  elogia,  quibus  se  supra  gentes  efferebant:  nunc  demum  absolvit  quaestionem,  an  aliqua  in  re  gentibus  praestarent.  Quamquam  autem  videtur  in  speciem  haec  responsio  cum  superiori  nonnihil  pugnare  (quia  nunc  omni  dignitate  privat  eos,  quibus  multam  ante  tribuerat)  nihil  tamen  est  dissidii.  Nam  privilegia  illa,  quibus  eminere  confessus  erat,  extra  eos  sunt,  in  Dei  bonitate,  non  proprio  ipsorum  merito  posita.  Hic  autein  de  dignitate  eorum  quaerit,  si  qua  gloriari  in  se  ipsis  possint.  Itaque  sic  consentiunt  ambae  responsiones,  ut  haec  ex  altera  consequatur.  Nam  quum  praerogativas  eorum  extolleret,  eas  in  solis  Dei  beneficiis  includens,  ostendit  nihil  eos  habere  suum.  Unde  protinus  id,  quod  nunc  respondet,  inferri  poterat.  Si  enim  praecipua  eorum  excellentia  eat,  quod  deposita  sunt  apud  eos  Dei  oracula:  eam  autem  non  habent  suo  merito:  ergo  nihil  illis  relinquitur,  quo  in  conspectu  Dei  superbiant.  Nota  autem  saDctum  artificium,  quod,  quum  excellentiam  illis  assereret,  in  tertia  persona  loquebatur.  Nunc  dum  vult  omnia  detrahere,  se  ipsum  numero  admiscet,  quo  effugiat  offensionem.  Ante  enim  constituimus.  Verbum  graecum  afaiaa-  Bm,  quod  hic  usurpat  Paulus,  proprie  est  iudiciale:  ideoqtie2)  reddere  placuit  constituimus.  Dicitur  enim  crimen  in  actione  constituere  accusator,  quod  testimoniis  ac  probationibus  aliis  convincere  paratus  est.  Citavit  autem  apostolus  universum  hominum  genus  ad  Dei  tribunal:  ut  totum  sub  unam  damnationem  includeret.  Ac  frustra  quispiam  obiiciat,  non  hic  tantum  criminari  apostolum,  sed  magis  probare.  Nam  vera  accusatio  nonnisi  ea  est,  quae  firmis  validisque  probationibus  nititur:  quemadmodum  inter  accusationem  et  convicium  alicubi  Cicero  1)  Ubi  enim  ea  omnia  pertractavit  quibus  Iudaei  se  supra  gentes  efferebant,  ac  ostendit  quam  inde  obtinerent  dignitatem  2)  pro  quo