44:52  prae  aliis:  quod  scilicet  minus  erant  excusabiles.  Iam  quod  papistae  iactant  non  posse  errare  clerum  illum,  hoc  est,  faecem  illam  collectam  ex  foetidissimis  sordibus,  plus  quam  ridiculum  est.  Neque  enim  meliores  sunt  successoribus  Aaron.  Videmus  autem  quid  nunc  illis  obiiciat  propheta,  quod  scilicet  everterint  legem.  Non  tantum  hic  damnat  vitam  ipsorum,  sed  dicit  fuisse  perfidos  Deo,  quia  perperam  corruperant  totam  pietatis  doctrinam.  Fatentur  papistae  posse  quidem  se  peccare:  sed  vitia  residere  duntaxat  in  moribus.  Volunt  interea  se  eximere  ab  omni  errandi  periculo.  Quasi  vero  non  fuissent  electi  levitici  sacerdotes  ipsa  Dei  voce.  Et  tamen  videmus  ut  apostatae  fuerint.  Confirmat  autem  pios  Deus,  ne  se  proiiciant  ad  impietatem  :  quamvis  duces  quoque  ipsos  errare  videant,  vel  ruere  praecipites.  Nam  oportuit  fideles  muniri  hac  constantia,  quum  sacerdotes  tunc  non  tantum  suis  flagitiis  populum  abstraherent  ab  omni  timore  Dei  et  pietatis  studio,  sed  etiam  perverterent  omnem  doctrinam:  oportuit  inquam  fideles  tunc  invictos  manere.  Ergo  etiamsi  hodie  qui  primum  gradum  tenent  in  ecclesia,  posthabito  Deo,  imo  spreta  omni  doctrina  coelestis  ruant  per  fas  et  nefas  :  etiamsi  conentur  vertere  Dei  veritatem  in  mendacium,  maneat  tamen  fides  nostra  stabilis:  quia  jion  temere  Ioannes  pronuntiat  debere  esse  victricem  contra  totum  mundum  (1.  Ioh.  5,  4).  Sequitur:  5.  Iehova  iustus  in  medio  eius,  non  faciet  iniquitatem:  mane  mane  iudicium  suum  proferet  in  lucem,  non  deficiet:  neque  tamen  cognoscet  iniquus  pudorem.  Hic  retorquet  propheta  adversus  hypocritas  quod  solebant  obtendere  quum  vellent  improbe  respuere  omnem  doctrinam  et  omnes  admonitiones.  Dicebant  enim  Deum  residere  in  medio  sui  :  quemadmodum  hodie  papistae  hunc  clypeum  nobis  obiectant,  columnam  veritatis  esse  ecclesiam.  Putant  igitur  obtegi  sua  omnia  scelera  hoc  umbraculo.  Sic  tunc  Iudaei  in  ore  semper  habebant  iactantiam  illam,  Nos  tamen  sumus  sacer  Dei  populus  et  habitat  in  medio  nostri,  quia  colitur  in  templo,  quod  non  arbitrio  hominum,  sed  iussu  eius  erectum  est.  Neque  enim  ista  vox  e  terra  nata  est,  sed  e  coelo  profecta,  Haec  requies  mea  in  saeculum  saeculi,  hic  habitabo.  Quum  ergo  inflati  essent  Iudaei  tali  superbia,  propheta  concedit  quod  petebant,  Deum  scilicet  inter  ipsos  residere:  sed  longe  in  alium  finemr  ut  scilicet  sentiant  propiorem  esse  eius  manum  ad  ulciscenda  scelera.  Hoc  unum  est,  quum  dicit  Iehovam  esse  in  medio  eorum:  Bene,  inquit,  ego  concedo  habitare  in  hac  urbe,  quia  voluit  templum  in  monte  Sion  sibi  erigi:  voluit  altare  hoc  esse  sibi  sacrum.  Sed  quorsum  Deus  inter  vos  habitat  et  51*