42:52  voire,  et  qui  estoit  beaucoup  plus  grand,  il  faut  donc  que  nous  bataillons  constamment  a  l'encontre  de  toutes  les  tentations  qui  nous  pourroient  advenir.  Or  ie  di  ceci  pource  qu'il  y  ha  beaucoup  de  fideles  qui  sont  espars  entre  les  ennemis  de  la  foy,  ils  sont  la  sous  la  tirannie  cruelle  de  l'Antechrist  de  Romme,  ils  n'ont  nulle  predication  de  la  parole  de  Dieu,  ils  n'ont  nul  usage  des  sacremens  que  tout  n'y  soit  corrompu  ni  perverti,  car  quant  au  baptesme  nous  voions  qu'il  est  la  contamine  de  tant  d'ordures  que  c'est  pitie:  de  la  Cene,  elle  est  du  tout  abolie,  il  y  ha  cette  abomination  puante  de  la  messe  qui  ha  este  introduite  au  lieu,  voila  les  pauvres  fideles  qui  sont  sans  aucunes  aides,  ils  n'ont  nul  moien  pour  s'exercer  en  la  foy.  Or  si  faut  il  neantmoins  qu'ils  se  tiennent  fondes  sur  la  verite  de  Dieu,  qu'ils  ont  conneue"  une  fois,  et  qu'ils  perseverent  en  icelle,  et  pourquoy?  Les  peres  anciens,  iacoit  qu'ils  fussent  prives  de  tous  les  sacremens,  que  Dieu  leur  avoit  ordonnes,  toutesfois  ils  ont  tousiours  attendu  patiemment  Iesus  Christ,  ils  se  sont  tenus  appuies  sur  toutes  les  promesses  qu'ils  avoient  receues,  auiourd'huy  donc  en  cette  clarte  qui  nous  est  apparue,  en  cette  perfection  de  doctrine,  il  faut  pour  le  moins  que  nous  soions  patiens,  et  n'est  pas  question  que  nous  soions  alienes  de  l'heritage  de  salut,  combien  que  pour  un  temps  Dieu  nous  oste  les  moiens  que  nous  avons  pour  nous  avancer,  et  au  reste  que  scavons  nous  qui  nous  peut  advenir^  car  l'ange  a  voulu  advertir  Daniel,  et  en  sa  personne  tous  les  fideles  a  ce  qu'ils  fussent  premunis  devant  le  coup.  Ils  ont  eu  les  sacrifices  depuis  ce  temps  la,  le  temple  a  este  restaure,  mais  il  ba  fallu  qu'ils  aient  senti  de  terribles  afflictions,  maintenant  nous  avons  bien  occasion  de  penser  a  cela,  car  nous  voions  comme  la  pluspart  abusent  des  graces  de  Dieu,  auiourd'huy  nous  voions  les  grands  assauts,  et  les  alarmes  qui  se  font  contre  la  pauvre  eglise  de  Dieu  depuis  que  l'Evangile  se  presche,  il  est  vray  que  nous  avons  l'usaige  des  sacrements  en  telle  purete,  comme  la  parole  de  Dieu  le  porte,  les  sacremens  sont  purs  et  entiers  entre  nous,  mais  cependant  quel  mespris  y  ha  il  de  la  doctrine?  Comment  est  ce  que  les  sacremens  sont  receus?  plustost  on  voit  en  administrant  le  baptesme  une  mocquerie  manifeste  de  Dieu,  et  en  la  Cene  combien  y  en  a  il,  qui  s'approchent  de  cette  saincte  table  comme  chiens  et  pourceaux,  sans  aucune  honte,  qu'ils  viendront  mettre  la  leur  groin  plein  d'ordure  et  d'infection.  Ainsi  donc  quand  nous  voions  une  telle  ingratitude  des  hommes  envers  Dieu,  et  envers  Ies  graces  infinies,  qu'il  nous  offre  et  presente  tous  les  iours,  que  peut  on  dire?  sinon  qu'il  nous  en  pourra  bien  priver?  Il  faut  donc  que  nous  soions  attentifs  a  cette  doctrine,  et  quoy  qu'il  advienne  que  iamais  nous  ne  renoncions  au  bien