35:52  vant  les  yeux  :  car  il  ne  faut  point  que  nous  iugions  de  la  doctrine  qu'on  nous  propose,  selon  nostre  sens  et  phantasie.  Il  faut  donc  qu'il  y  ait  ici  deux  choses  meslees:  l'une  c'est,  Que  nous  ayons  tout  conclud,  que  nous  sommes  prests  d'obeir  a  Dieu,  que  nous  ayons  prins  ceste  conclusion  en  nous,  O  il  faut  que  nostre  Createur  ait  toute  maistrise,  et  que  nous  luy  soyons  suiets.  Voila  le  preparatif  qui  doit  estre.  Et  puis,  que  nous  entrions  en  iugement,  c'est  a  dire  que  nous  examinions  la  doctrine,  voire  non  point  avec  une  fierte,  non  point  en  cuidant  estre  assez  sages,  mais  prians  Dieu  qu'il  nous  y  gouverne  par  son  sainct  Esprit,  pour  suivre  la  doctrine  qu'il  nous  aura  monstree.  Voila  donc  deux  choses  qui  doivent  estre  coniointes:  et  ce  meslinge  n'apporte  nulle  confusion:  car  celuy  qui  sera  prepare  d'obeir  a  Dieu,  ne  laissera  point  pourtant  d'ouvrir  les  yeux,  et  cognoistre  comme  il  doit  discerner  le  mensonge  d'avec  la  verite.  Mais  cependant  apprenons  de  n'estre  point  tellement  effarouchez,  que  nous  ne  regardions  a  l'homme  qui  parle,  et  recognoissons  que  Dieu  nous  fait  une  grande  grace,  quand  il  luy  plaist  d'user  de  ses  creatures,  qu'il  s'abaisse  ainsi  a  nons,  a  fin  que  nous  ayons  plus  de  loisir  de  considerer  sa  parole.  Car  nous  serions  perdus,  s'il  venoit  a  nous  en  sa  maieste:  mais  quand  il  se  presente  par  les  hommes,  il  s'accommode  a  nostre  infirmite,  a  fin  que  plus  commodement  nous  puissions  cognoistre  sa  verite  qu'il  nous  propose.  Voila  donc  en  somme  ce  que  nous  avons  a  retenir  de  ce  passage,  en  reservant  le  reste  pour  ci  apres.  Or  nous-nous  prosternerons  devant  la  face  de  nostre  bon  Dieu,  etc.  LE  CENT  VINGTTROISIEME  SERMON,  QUI  EST  LE  II.  SUR  LE  XXXIII.  CHAPITRE.  8.  Si  est-ce  que  tu  as  dit  a  mes  aureilles,  et  i'ai  ouy  ceste  voix  de  tes  propos,  9.  Ie  suis  pur  et  sans  peche:  ie  suis  net,  et  riy  a  point  d'iniquite  en  moi.  10.  Il  a  trouve  occasion  contre  moi,  et  m'a  tenu  pour  ennemi,  l  l  .  Il  a  mis  mes  pieds  aux  ceps,  il  a  prins  garde  a  toutes  mes  voyes.  12.  En  cela  tu  ne  seras  point  iustifie:  ie  te  respondrai  que  Dieu  est  plus  grand  que  toi.  13.  Pourquoi  debas-tu  contre  lui?  car  il  ne  respondra  point  a  toutes  paroles.  14.  Dieu  parle  un  coup  et  deux  sans  qu'on  s'en  avise.  Il  nous  doit  souvenir  de  ce  qui  fut  hier  traitte:  c'est  assavoir,  que  Dieu  nous  fait  un  grand  bien,  quand  il  lui  plaist  de  condescendre  a  nostre  infirmite  iusques  la,  qu'il  parle  a  nous  privement  par  la  bouche  d'un  homme  mortel  qui  est  nostre  semblable.  Car  c'est  afin  que  n'estans  point  effrayez  de  sa  maieste,  nous  ayons  meilleur  loisir  de  mediter  ce  qu'il  nous  propose,  que  nous  ayons  l'esprit  paisible  et  de  repos  pour  bien  comprendre  la  doctrine  que  nous  oyons,  et  en  faire  nostre  profit.