33:52  qu'il  doit  avoir  tant  plus  grande  vehemence  et  ardeur  k  prier  Dieu,  il  doit  avoir  plus  grande  sollicitude.  Voila  donc  comme  nous  devons  regarder  quelle  est  nostre  faculte  et  mesure.  Et  puis  quand  ce  vient  a  nous  offrir  a  Dieu,  il  nous  faut  regarder  ce  qu'il  nons  a  mis  entre  mains,  selon  qu'un  chacun  a  receu,  il  sera  tant  plus  coulpable,  s'il  ne  glorifie  Dieu.  Ainsi  donc  quand  Dieu  nous  aura  eslargi  de  son  Esprit  plus  amplement  qu'aux  autres,  il  faut  que  nous  advisions  d'en  communiquer  a,  nos  prochains:  que  ceux  qui  auront  conseil,  advisent  d'en  donner  aux  autres  :  ceux  qui  auront  abondance,  qu'ils  regardent  d'en  subvenir  a  ceux  qui  en  auront  necessite.  Voila  donc  comme  il  nous  faut  conformer  a  ce  qui  est  dit  de  Iob,  que  selon  le  nombre  de  ses  enfans  il  a  offert  sacrifice.  Au  reste  quand  il  est  dit,  Que  Iob  a  sacrifie  pour  ses  enfans,  c'est  pour  nous  monstrer,  que  ceux  qui  ont  charge  d'autrui,  doivent  estre  vigilans,  et  quand  il  y  aura  quelque  faute,  qu'ils  s'en  doivent  tenir  coulpables  devant  Dieu.  Et  ceci  est  bien  a  noter:  car  nous  voyons  comme  l'ambition  regne  au  monde:  si  un  homme  a  beaucoup  d'enfans,  il  se  resiouit  d'avoir  tant  de  creatures  humaines,  qui  soyent  sous  luy  et  sous  son  obeissance:  s'il  a  dequoy  nourrir  grosse  famille,  il  se  plaist  en  cela.  Mais  quoy?  Il  n'y  a  que  pure  ambition:  car  on  ne  regarde  point  la  charge  qui  est  la  coniointe.  Il  est  vray  que  Dieu  fait  grand  honneur  aux  hommes,  quand  il  leur  donne  ceux  qu'il  a  creez  a  son  image  et  semblance  pour  leur  estre  subiets:  mais  cependant  cest  honneurla  emporte  obligation  grande,  que  ceux  qui  ont  famille  a  gouverner,  doivent  tousiours  estre  vigilans.  Car  si  Dieu  est  offense  en  une  famille,  celuy  qui  en  est  le  chef  et  le  conducteur,  se  doit  tenir  coulpable,  il  doit  gemir  devant  Dieu,  comme  s'il  estoit  entache  de  la  faute  qui  a  este  commise:  et  combien  qu'il  n'y  ait  pas  consenti,  si  doit-il  considerer,  Ie  ne  me  suis  point  acquite  de  mon  devoir,  encores  que  ie  veille  et  nuict  et  iour,  combien  que  ie  ne  cesse  d'exhorter  et  mes  enfans,  et  mes  serviteurs,  et  chambrieres  a��  ce  qu'ils  servent  a  Dieu,  encores  est-il  impossible  que  ie  face  tout  ce  qu'il  appartient.  Car  ie  voy  mes  enfans  qui  offensent  Dieu,  ie  voy  des  fautes  en  mes  serviteurs  et  en  mes  chambrieres:  a��  qui  tient  il?  Combien  que  ie  mette  peine  de  les  instruire,  si  est-ce  qu'encores  y  a-il  beaucoup  a  redire:  car  ie  ne  leur  monstre  pas  tel  exemple  que  ie  devroye:  quand  ie  chemineroye  en  la  crainte  de  Dieu  comme  il  appartient,  il  faudroit  qu'ils  se  conformassent  a  moy:  et  ainsi  ce  qu'ils  declinent  du  droit  chemin,  peut  estre  par  ma  faute,  et  par  ma  coulpe:  il  faut  donc  que  ie  leur  monstre  tel  exemple,  que  ie  veux  qu'ils  suivent.  Si  les  peres  et  les  maistres  qui  ont  enfans  et  serviteurs  en  leur  subietion  avoyent  ce  regard,  les  choses