28:52  quel  remede  y  a-il  plus,  sinon  qu'on  extermine  tout  cela?  Et  voila  pourquoy  notamment  il  est  dit:  Tu  osteras  le  mal  du  milieu  de  toy.  Par  cela  nostre  Seigneur  signifie,  que  si  on  laisse  une  femme  impunie,  quand  elle  se  desbordera  iusques  la,  de  n'avoir  point  pitie  de  ses  propres  enfans:  et  elle  n'y  a  nul  esgart,  ce  luy  est  tout  un,  que  les  bastards  soyent  meslez  parmi  ceux  qui  sont  legitimes:  et  que  peut-on  penser  d'une  telle  femme,  sinon  que  e'est  un  monstre?  Cela  derogue  a  tout  ordre  de  nature.  Et  ainsi  (comme  i'ay  desia  touche)  il  faut  bien  qu'il  y  ait  une  grande  extremite,  quand  la  punition  est  si  griefve,  que  Dieu  veut  que  cela  nous  serve  d'exemple,  et  que  ceux  qui  nous  auront  scandalise  en  leur  vie,  leur  mort  nous  serve  d'instruction,  afin  que  les  autres  apprennent  de  se  tenir  en  chastete.  Voila  donc  ce  que  nous  avons  a  retenir.  Or  quant  aux  paillards,  ils  seront  coulpables  de  mesmes.  Il  est  vray  que  la  femme  ne  sera  point  espargnee,  d'autant  qu'elle  a  fausse  la  foy  a  son  mari,  et  qu'elle  a  commis  un  crime  du  tout  irremissible:  mais  cependant  si  quelcun  avoit  crochette  le  coffre  de  son  voisin,  celuy-la  sera  puni,  et  non  pas  comme  un  simple  larron,  mais  comme  un  voleur.  Or  il  vient  polluer  la  maison:  il  la  vient  insecter  de  paillardise:  il  vient  desrober  l'honneur  de  l'homme,  et  son  nom,  et  sa  bonne  renommee  :  il  vient  supposer  la,  par  une  faussete  maudite  et  villaine,  une  semence  estrange  et  bastarde.  Quand  donc  un  homme  use  d'une  telle  vollerie,  et  ie  vous  prie,  est-ce  un  peche  pour  estre  puni  seulement  par  huict  iours  de  prison,  et  ie  ne  say  comment:  pour  estre  au  pain  et  a  l'eau,  c'est  a  dire,  pour  estre  nourri  a  la  taverne?  Car  on  sait  de  quelle  punition  auiourd'huy  l'on  use  envers  les  paillards  et  adulteres  :  que  c'est  une  pure  mocquerie  et  de  Dieu,  et  de  la  iustice,  et  des  loix,  et  de  toute  police.  Que  si  on  met  un  homme  en  prison,  pour  avoir  commis  un  adultere,  ou  pour  avoir  paillarde,  c'est  comme  si  on  le  mettoit  la  pour  luy  apporter  chacun  un  voirre  de  vin,  pour  dire:  Taste  lequel  est  le  meilleur.  Que  s'il  estoit  en  son  mesnage,  il  se  contenteroit  de  l'ordinaire  :  et  il  sera  la  en  plus  grande  liberte  que  s'il  estoit  en  une  taverne  publique:  qu'un  chacun  luy  viendra  faire  la  cour:  et  il  faut  avoir  pitie  du  povre  prisonnier.  Voila  comme  on  en  fait  ordinairement.  Et  quant  a  moy,  i'ay  tousiours  prie  Dieu  qu'il  ne  se  fist  point  de  punitions  sur  les  paillardises,  plustost  que  d'y  proceder  comme  on  le  voit  auiourd'huy.  Car  c'est  exposer  la  iustice  en  opprobre,  se  mocquer  de  Dieu  et  de  tous  ses  commandemens.  Et  ainsi  il  ne  se  faut  point  esbahir  si  les  paillardises  ont  la  vogue,  quand  on  envoye  ainsi  a  la  taverne  ceux  qui  ont  failli.  Mais  encores  prenons  le  cas  que  ceste  ordonnance  tinst,  et  que  les  paillards  et  adulteres  fussent  reserrez