24:52  bum  illum  regem.  Hic  ergo  fuit  miraculi  finis,  non  esse  opus  magnis  copiis,  quia  ad  conspectum  solius  baculi  expavesceret  Pharao:  neque  opus  esse  baculum  agitari  et  valide  concuti,  quia  proprio  motu  et  iactatione  satis  incuteret  timoris.  Altera  pars  miraculi,  quum  rediit  baculus  in  pristinam  formam,  huc  tendebat  ut  sciret  Moses,  quod  hosti  infestum  ac  damnosum  erat,  sibi  adiumento  et  praesidio  fore.  Idem  itaque  baculus  Mosen  instruxit  fortitudine,  hostem  vero  deiecit  ac  prostravit.  Quod  autem  Dei  voci  confestim  obtemperans  serpentem  apprehendere  audet,  ex  obedientia  colligitur  singularis  fides:  atque  etiam  clarius  ex  subita  mutatione,  quod  virulentum  et  noxium  animal,  a  cuius  conspectu  nuper  fugerat  metu  consternatus,  provocare  non  veretur,  caudam  eius  premendo.  Ergo  pusillus  animus  magnae  fiduciae  capax  fuit,  et  alternis  vicibus  nunc  timiditas,  nunc  pietas  fructus  suos  protulerunt.  Atque  hoc  in  primis  notatu  dignum  est,  praesentia  Dei  erectum  fuisse  Mosen  :  sed  quum  ad  indomita  gentis  suae  ingenia  et  superbam  Aegypti  dominationem  reflecteret  oculos,  fuisse  d  ehi-*  litatum.  Nunc  quaeritur  fueritne  vera  et  substan^  tialis  conversio  baculi  in  serpentem  :  an  exterior  forma  duntaxat  fuerit  mutata.  Ego,  etsi  nolim  pertinacius  contendere  de  re  levis  momenti,  amplector  tamen  quod  magis  probabile  est,  non  modo  fuisse  obiectam  imaginem  vel  spectrum,  sed  Deum,  qui  ex  nihilo  creavit  omnia,  dedisse  baculo  novam  naturam,  et  rursus  ex  serpente  fecisse  baculum:  quod  nihilo  fuit  difficilius  quam  uxorem  Lot  vertere  in  statuam  salis  (Gen.  19,  26).  Hoc  quum  Dei  potentiae  promptum  ac  facile  sit,  verisimile  mihi  non  videtur  spectris  eum  lusisse.  Quod  vero  idem  imitati  sunt  magi,  de  eorum  praestigiis  dicemus  suo  loco.  5.  Ut  credant,  quod  apparuerit.  Non  ergo  semel  tantum  Mosi  spectaculum  hoc  propositum  fuit,  sed  data  quoque  potestas  fuit  eiusdem  miraculi  saepius  edendi:  tam  ut  apud  Israelitas  fidem  acquireret,  quam  ut  reprimeret  Pharaonis  audaciam.  Quamvis  autem  abscissa  sit  oratio,  nulla  tamen  est  in  sensu  ambiguitas:  nempe  armari  Mosen  coelesti  potestate,  quo  certa  sit  eius  vocatio,  nec  quisquam  dubitet  prophetam  esse  divinitus  missum.  Hic  de  usu  miraculorum  ex  professo  disserere  longum  esset:  hoc  breviter  tenere  sufficiat,  non  nunquam  illa  valere  ad  fidei  praeparationem,  aliquando  vero  ad  confirmationem.  Utriusque  exemplum  in  baculi  conversione  cernimus,  qua  magis  animatus  et  erectus  fuit  Moses  ut  robur  colligeret,  quum  iam  Dei  promisso  fidem  haberet:  Israelitae  vero,  qui  et  increduli  erant  et  parum  dociles,  aptati  et  subacti  fuerunt  ad  credendum.  Denique  miraculum  ianuam  fidei  aperuit  apud  Israelitas,  ut  persuasi  de  prophetico  eius  munere,  doceri  se  sustinerent,  ipse  autem