23:52  uxor  eius  a  facie  Iehovae  Dei  in  medio  arborum  horti.  9.  Vocavitque  Iehova  Deus  Adam,  et  dixit  ei:  Ubi  es  tu?  10.  Et  ait:  Vocem  tuam  audivi  in  horto,  et  timui,  quia  nudus  eram,  et  abscondi  me.  ll.  Tunc  dixit:  Quis  indicavit  tibi  quod  nudus  esses?  nonne  ex  ipsa  arbore  de  qua  praeceperam  tibi  ne  comederes,  comedisti?  12.  Et  ait  Adam:  Mulier  quam  dedisti  ut  esset  mecum,  ipsa  dedit  mihi  de  arbore,  et  comedi.  13.  Dixitque  Iehova  Deus  ad  mulierem  :  Cur  hoc  fecisti?  Et  ait  mulier  :  Serpens  seduxit  me,  et  comedi.  14.  Et  dixit  Iehova  ad  serpentem  :  Quia  fecisti  hoc,  maledictus  eris  prae  omni  animali,  et  prae  omni  bestia  agri:  super  ventrem  tuum  gradieris,  et  pulverem  comedes  omnibus  diebus  vitae  tuae.  15.  Et  inimicitias  ponam  inter  te  et  inter  mulierem,  et  inter  semen  tuum  et  inter  semen  eius:  ipsum  vulnerabit  te  in  capite,  et  tu  vulnerabis  ipsum  in  calcaneo.  16.  Ad  mulierem  dixit:  Multiplicando  multiplicabo  dolorem  tuum,  et  conceptum  tuum:  cum  dolore  paries  filios  j  et  ad  virum  tuum  erit  desiderium  tuum,  ipseque  dominabitur  tibi.  17.  Adae  vero  ait  :  Quia  paruisti  voci  uxoris  tuae,  et  comedisti  ex  arbore  de  qua  praeceperam  tibi,  dicens:  Non  comedes  ex  ea:  maledicta  terra  propter  te:  in  labore  comedes  eam  cunctis  diebus  vitae  tuae.  18.  Et  spinam  et  tribulum  germinabit  tibi,  et  comedes  herbam  agri.  19.  In  sudore  vultus  tui  vesceris  pane,  donec  revertaris  in  terram:  quia  ex  ea  sumptus  es  :  nam  pulvis  es,  et  in  pulverem  reverteris.  20.  Et  vocavit  Adam  nomen  uxoris  suae  Heva,  quia  ipsa  est  mater  omnis  viventis.  21.  Fecitque  Iehova  Deus  Adae  et  uxori  eius  tunicas  pelliceas,  et  induit  eos.  22.  Tunc  dixit  Iehova  Deus:  Ecce,  Adam  factus  est  tanquam  unus  ex  nobis,  sciendo  bonum  et  malum:  nunc  autem  ne  forte  mittat  manum  suam,  et  accipiat  etiam  de  arbore  vitae,  et  comedat,  et  vivat  in  saeculum.  23.  Et  emisit  eum  Iehova  de  horto  Heden,  ad  colendum  terram  ex  qua  sumptus  fuerat.  24.  Et  eiecit  Adam,  et  collocavit  ab  Oriente  horti  Heden  Cherubim,  et  laminam  gladii  versatilis,  ad  custodiendum  viam  arboris  vitae.  1.  Et  serpens  erat  callidior.x  Hoc  capite  exponit  Moses,  hommem,  postquam  Satanae  astu  deceptus  ab  opifice  suo  defecit,  prorsus  mutatum,  et  sic  degenerem  factum  esse,  ut  deleta  sit  Dei  imago  ad  quam  formatus  erat.  Deinde  una  cum  homine  totum  mundum  qui  in  eius  gratiam  creatus  erat,  descivisse  a  prima  sua  origine:  atque  ita  multum  ex  nativa  eius  excellentia  fuisse  deperditum.  Verum  hic  multae  emergunt  et  arduae  quaestiones.  Nam  quum  dicit  Moses,  serpentem  fuisse  astutum  prae  aliis  omnibus  animalibus,  innuere  videtur,  non  Satanae  instinctu  fuisse  ad  decipiendum  hominem  adductum,  sed  sua  ipsius  malitia.  Respondeo,  nihil  obstare  ingenitam  serpenti  versutiam  quin  ipso  abusus  Satan  fuerit  ad  machinandum  homini  exitium.  Nam  quum  instrumento  opus  haberet,  delegit  ex  animalibus  quod