22:52  Mais  quand  noz  macules,  lesquelles  autrement  pouvoient  contaminer  devant  Dieu  noz  oeuvres,  sont  ainsi  couvertes,  le  Seigneur  ne  regarde  rien  en  icelles  sinon  une  entiere  purete  et  sainctete.  Pourtant  il  les  honore  de  grands  tiltres47)  et  louanges,  car  il  les  appelle  et  les  repute  iustice  et  leur  promect  une  tresample  remuneration.  Finalement  il  nous  fault  ainsi  en  somme  arrester  que  la  societe  de  Christ  vault  tant  que  pour  rayson  dicelle  nous  ne  sommes  pas  seulement  receuz  pour  iustes  gratuitement,  mais  noz  oeuvres  mesmes  sont  reputees  iustices  *  et  sont  recompensees  de  loyer  eternel.  Le  Simbole  de  la  Foy.  Dessus  a  este  dict  que  cest  que  nous  obtenons  en  Christ  par  foy.  Maintenant  oyons  que  cest  que  nostre  foy  doibt  regarder  et  considerer  en  Christ  pour  se  confirmer.  Or  cela  est  explique  au  Symbole  (ainsi  quon  lappelle):  cest  a  scavoir  comment  Christ  nous  a  este  faict  du  Pere  sapience,  redemption,  vie,  iustice,  sainctification.  Et  il  ne  peult  pas  guaires  challoir  par  quel  autheur  ou  autheurs  ait  este  compose  ce  sommaire  de  la  foy,  lequel  ne  contient  du  tout  rien  de  doctrine  humaine,  ains  est  recueilly  de  trescertain  tesmoignages  de  lEscripture.  Mais  affin  que  ce  que  nous  nous  confessons  croyre  au  Pere,  Filz  et  Sainct  Esperit  ne  trouble  personne,  il  en  fault  premierement  un  peu  parler.  Quand  nous  nommons  le  Pere,  Filz  et  S.  Esperit,  nous  ne  nous  imaginons  point  trois  Dieux,  mais  lEscripture  et  lexperience  mesme  de  piete  nous  monstre  en  la  tressimple  essence  de  Dieu,  le  Pere,  son  Filz  et  son  Esperit.  Tellement  que  nostre  intelligence  ne  peult  concevoir  le  Pere,  que  pareillement  elle  ne  comprene  le  Filz  auquel  sa  vive  image  reluist,  et  lEsperit  auquel  apparoist  si  puissance  et  vertu.  Doncques  arrestons  nous  fichez  de  toute  la  pensee  de  nostre  cueur  en  un  seul  Dieu:  toutesfois  cependant  contemplons  le  Pere  avec  le  Filz  et  son  Esperit.  le  croy  en  Dieu,48)  le  Pere  tout  puissant,  createur  du  ciel  et  de  la  terre.  Par  ces  parolles  nous  ne  sommes  pas  simplement  enseignez  de  croyre  que  Dieu  est,  mais  plustost  de  cognoistre  quel  est49)  nostre  Dieu,  et  de  nous  confier  destre  au  nombre  de  ceulx  ausquelz  il  promect  quil  sera  Dieu  et  lesquelz  il  recoit  47)  tiltres  et  om.  48)  in  unum  Deum  patrem,  omnipotentem.  49)  ut  esse  Deum  nostrum  cognoscamus.