20:52  pluris  facio  quam  multorum  aliorum,  quia  vere  spiritum  Dei  habet,  et  magis  spectat  ecclesiarum  aedificationem,  quam  gloriosam  in  nostris  phrasibus,  dictionibus  et  syllabis  pertinaciam.  Is  ad  pastorem  nostram  scribit,  sibi  non  probari,  ut  simpliciter  re^  cuset  subscribere,  et  consulit  ut  subscribat,  modo  addantur  et  admittantur  exceptiones:  et  ad  me  scribit,  ut  tester  magistratui,  me  serio  pacis  studio  adductum  subscripsisse:  sed  cum  illis  exceptionibus,  et  me  idem  etiam  nunc  profiteri  et  confirmare.  Si  spes  ulla  fuisset  vel  impetrandae  disputationis,  in  qua  palam  triumphasset  veritas  :  vel  audiendae  definitivae,  ut  vocant,  sententiae  de  tota  controversia:  vel  tollendi  aliqua  alia  mediocri  ratione  dissidii,  ego  nunquam  subscripsissem.  Sed  quum  nihil  horum  possemus  sperare,  quid  obsecro  agendum  nobis  erat?  Credo  te,  quae  tua  est  pietas  atque  prudentia,  non  aliter  quam  nos  fecimus  facturum  fuisse.  Quod  si  fallor,  ignosce  huic  meo  de  tua  pietate  iudicio:  ignosce  etiam  rogo  non  iam  amplius  brevitati,  sed  nimiae  meae  prolixitati,  et  vale,  meque  in  numero  amicorum  tuorum  conserva.  Iubeo  vero  salvere  meos  quatuor  compatres,  generosos.  D.  Wrotum,  Koocum,  Henr.  Knollum  et  deHetonem:  et  cupio  ut  cum  illis  communices  et  aliis  doctis  hanc  nostram  compositionem:  et  quid  de  ea  et  tu  et  illi  sentiant,  ad  me  candide  scribas.  Dominus  Iesus  suo  vos  spiritu  semper  regat  ac  protegat.5)  3973.  SAMPAULINUS  CALVINO.  Vix  ex  miseriis  belli  Dei  gratia  ereptae  iam  in  aliud  malorum  mare  inciderunt  ecclesiae.  (Ex  autographo  Cod.  Genev.  109,  fol.  217.)  Ornatissimo  et  doctissimo  viro  D.  Passellio.  S.  Quo  in  statu  sint  res  nostrae  et  quid  firmi  certique  hoc  tempore  sperare  possimus,  ex  fratre  qui  ad  te  has  perferendas  suscepit  plane  intelliges.  Ego  vero  quotidie  atque  adeo  in  horas  verissimum  esse  comperio  quod  tum  ex  verbo  Dei  tum  ex  doctissimis  tuis  explanationibus  didici,  praecones  scilicet  et  studiosos  evangelii  semper  accinctos  et  veluti  sublato  in  altum  altero  pede  paratos  esse  debere  ad  sequendum  quo  Deus  vocaverit.  Caeterum  vix  coepimus  ex  miseriis  postremi  belli  eluctari  et  adversus  5)  Be  die  et  mense  [nihil  certi  habemus,  de  anno  vero  non  est  quod  dubites.