19:52  ministres  et  que  ledit  frere  est  bien  necessaire  audit  lieu  taschez  de  resjouyr  lesdits  parens  et  qu'ilz  soyent  admonestez  de  prendre  en  bonne  part  si  ledit  Jeremie  ne  va  par  dela  si  tost  qu'ilz  vouldroient.  L'eglise  de  Challons  ou  est  Monsieur  P.  Forvidet  se  porte  bien.  Il  y  avoit  ces  jours  gens  de  ladicte  Eglise  envoyez  icy  qui  mont  dit  que  ledit  frere  se  porte  fort  bien,  Dieu  mercy,  et  qu'ilz  vouloient  envoyer  bientost  querir  sa  famille.  Quant  a  moy,  freres,  estant  revenu  des  champs  de  faire  quelque  visitation,  j'ay  entendu  que  l'Eglise  d'icy  avoit  escript  de  moy  a  Geneve  et  a  vous  pour  demander  mon  conge  entierement  et  m'ont  prie  de  vous  le  demander  d'autant  que  de  3  ministres  que  nous  sommes,  il  n'y  a  que  un  qui  soit  a  eux  du  tout.  Car  il  y  en  a  un  qui  a  este  envoye  pour  Digeon  5)  qui  est  bien  scavant,  mais  a  cause  de  trouble  qui  advint  au  commencement  qu'il  fut  la  pour  un  baptesme,  il  n'a  peu  despuis  subsister  la  et  cependant  l'Eglise  d'icy  l'a  prie  de  demourer  icy  en  attendant  qu'il  soit  redemande.  Combien  que  nous  sommes  apres  de  l'avoir  du  tout  pour  ceste  ville  puis  que  ceulx  de  Digeon  sont  si  froitz  et  en  avons  escript  a  Geneve.6)  Et  moy  vous  scavez  que  n'ay  conge  que  pour  demy  an,  dont  ils  craignent  qu'ils  n'ayent  grande  peine  d'en  trouver  s'ilz  sont  en  bref  destituez  de  deux  de  nous  et  combien  que  nous  demourissions  tous  trois  il  leur  en  faudroit  davantage  bien  tost  a  cause  de  la  grandeur  de  la  ville  et  du  grand  nombre  des  fideles.  Je  vous  prie,  freres,  quant  a  ce  point  de  mon  conge,  advisez  y  comme  il  vous  semblera  bon  et  aussi  a  l'Eglise  a  laquelle  je  me  tiens  encore  oblige.  Je  n'ose  vous  presser  de  coste  ou  d'aultre,  pour  ce  que  je  suis  redebvable  aussi  bien  au  pais  de  dela  ou  j'ay  este  une  bonne  partie  de  mon  eage,  comme  je  le  suis  a  ces  pays  icy,  de  ma  nativite.7)  D'aultre  part  je  veux  avoir  ma  conscience  libre  a  suivre  non  pas  mon  vouloir  mais  ou  je  seray  appelle  legitimement.  Je  ne  doubte  pas  que  ces  commencemens  qui  sont  en  ces  pays,  mon  labeur  ne  fructifie  plus  selon  l'apparence  exterieure  que  par  dela  et  que  l'affection  a  son  propre  pays  est  naturelle.  Touttesfoys  jay  resolu  en  mon  cueur  de  suyvre  vostre  advis  et  conseil  ce  pendant  que  je  seray  membre  de  vostre  corps,  et  ne  me  chault  ou  je  finisse  ce  peu  qui  me  reste  de  ceste  paovre  vie,  moyennant  que  ce  soit  en  l'Eglise  de  Dieu.  Si  vous  jugez,  que  je  demeure  par  deca  et  qu'ottroiez  mon  conge  en  pourvoyant  en  ma  place,  je  pourrai  retirer  mon  mesnage,  au  moins  ma  femme  5)  Le  Uoy.  6)  la  precedente.  7)  il  etait  natif  de  Sedant  en  Brye  (Hist  eccl  I.  766).