15:52  bliopolas  quaesierim,  nancisci  tamen  adhuc  non  potui:  eum,  quaeso,  post  semestre  exactum,  quum  iterum  tui  mercatores  Francfordiam  sunt  petituri,  tuis  typographis  trade,  quo  ad  oras  nostras  aliquando  etiam  appellat.  Vale  bene  ac  feliciter,  vir  eruditissime,  ac  me  amicis  tuis,  seu  potius  filiis  vere  yvqaioic  (quantum  ad  doctrinam  pietatis)  accense:  ego  te  patris  loco  habere  colere  venerarique  nunquam  desinam.  Vale  iterum.  Nurtingae,  quod  est  oppidum  ducatus  Wirtembergensis.  Anno  1554.  27.  Februarii,  quo  die  ante  annos  tres  fidus  ille  et  eximius  servus  Christi  Martinus  Bucerus  Cantabrigiae  in  Anglia  mortuus  est.  1918.  ALPHONSI  LYNOURII  TARRACONENSIS  *)  APOLOGIA  PRO  M.  SERVETO.  (Ex  codice  Bibliothecae  Antistitii  Basileensis  inscripto;  Varia  ecclesiastica  Basil.  Vol.  L  In  margine  additur  hanc  Apologiam  manu  Curionis  correctam  esse.)  Egregiam  tandem  victoriam  insignemque  triumphum  de  prostrato  adversario  retulistis.  En  tandem  iacet  ille  qui  vobis  adeo  infestus  et  gravis  in  vestra  dogmata  et  traditiones  insultabat.  Tantus  hostis,  velut  alter  Hector  Troianus  a  Graecis  tandem  superatus,  abiit  in  cineres  et  favillas.  Erigite  vobis  trophaea,  ut  tam  praeclari  facinoris  memoria  nullo  unquam  tempore  deleatur.  Libros  cudite  et  per  orbem  spargite  ac  dissipate,  ut  omnes  ecclesiae  consulatum  vestrum  agnoscant  et  de  tam  bene  navata  opera  conservataque  religione  gratias  agant.  Vos  nunc  evangelicae  fidei  et  christianae  reipublicae  contra  omnia  haereticorum  monstra  fortissimos  protectores  assertores  et  vindices  merito  omnes  intelligent  atque  laudabunt.  Sed  iam  operae  pretium  videtur  universam  rei  seriem  exponere,  ut  omnes  1918.  i)  De  eo  Sandii  bibliotheca  Anti-Trinit,  p.  40  haec  habet:  Alfonsus  Lingurius  Tarraconensis  Hispanus:  Libri  quinque  Declarationis  Iesu  Christi  filii  Dei,  sive  de  unico  Deo  et  unico  filio  eius.  Huius  libri  meminerunt  etiam  ministri  Sarmatiae  et  Transylvaniae,  de  falsa  et  vera  unius  Dei  patris  cognitione  L.  1  c.  3  ubi  :  Alphonsus  Tarrac.  qui  quinque  libellis  de  uno  Deo  et  unico  eius  filio  contra  communem  et  receptam  doctrinam  Aristarchorum  docentium  tyrannidem  et  superbiam  egregie  perstrinxit.  .  Videtur  eo  tempore  Basileae  degisse,  quia  Curio  hanc  Apologiam  correxisse  dicitur.  De  Curione  v.  N.  1884  quem  tamen  Schmidtius  in  ZS.  fur  hist.  Theol  1860  p.  608  defendere  conatur.