13:52  Clarissimo  praestantissimoque  viro  D.  Heinrycho  Bullingero  vigilantissimo  ecclesiae  Tigurinae  antistiti  domino  suo  colendissimo.  Consuluisti  tu  ut  amice  me  gererem  erga  Viretum  et  Calvinum,  ld  quod  facio,  et  puto  vel  ipsam  pietatem  et  caritatem  christianam  hoc  requirere.  Hoc  tamen  certum  est,  si  quidam  hic  rescirent  quod  vel  ego  ipsis  scriberem,  vel  illi  mihi,  me  cum  illis  haberent  suspectum.  Ita  ego,  colendissime  pater,  inter  sacrum  sto  et  saxum.  Hinc  me  calamitas  urit  fratrum,  cui  subvenire  cuperem  totis  viribus:  illinc  ecclesiae  concordia  me  urget,  quam  promovere,  non  disturbare,  denuo  conor.  Interim,  quantum  Dominus  dederit,  prudenter  simul  agam  et  fortiter,  ne  vel  negligam  miseros  vel  tumultuose  agam  cum  fratribus.  Ago  enim  Domino  gratias,  quia,  ut  semper  mihi  suam  concessit  gratiam,  ita  nec  hic  illam  mihi  subtrahit,  ut  utraque  pars  in  mea  doctrina  quam  optime  conveniat  et  consentiat.  Nec  dubitarem  quin  brevi  inter  fratres  etiam  totius  ditionis  tolleretur  dissidium,  si  modo  suspiciones  et  veterum  memoria  iniuriarum  cessaret.  .  .  .  .  .  Mitto  simul  quaedam  excerpta  ex  literis  quorundam  ut  videbis,  ex  quibus  intelliges  quid  sentiant.  !)  Talia  etiam  faciunt  nostros  acerbiores.  Mitto  tamen  ea  lege  ut  descripta  ad  me  denuo  mittas.  Non  enim  mihi  tantum  otii  datum  ut  denuo  describerem.  Sed  neque  aliis  libenter  describenda  credo.  A  Zebedaeo  habeo  qui,  ut  bene  sentit,  ita  tamen  nimium  quoque  affectibus  duci  videtur,  et  ex  invidia  et  contentione  multa  agere.  Haec  raptim  quoque  congessi.  Bernae  die  l  l  .  Sept.  1548.  Ioannes  Hallerus  totus  tuus.  1077.  VIRETUS  CALVINO.  Hymbertus  aegrotat.  Zebedaeus  novas  turbas  movet.  Brentii  scriptum  contra  Interim.  Calvino  literas  ab  ipso  ad  eum  scriptas  remittit.  10764  1)  Habebat  ipse  ut  vidisti,  plures  Vireti  et  Calvini.  Minime  hic  agitur  de  unica  illa  Calvini  ad  Viretum  huic  subrepta  de  qua  alibi.