9:519  519  DE  VERA  PARTICIPATIONE  520  recipiantur,  quae  singulare  est  donum  spiritus,  nec  a  terrenis  elementis  pendet,  sed  a  coelesti  eiusdem  !)  spiritus  operatione.  Tantum  externa  adminicula  pro  infirmitate  captus  nostri  adiungi.  Quod  ad  sacram  Christi  coenam  peculiariter  spectat,  convenit  sub  symbolis  panis  et  vini  proponi  corporis  et  sanguinis  Christi  communicationem:2)  neque  simpliciter  nobis  in  memoriam  revocari,  Christum  semel  pro  nobis  fuisse  in  cruce  oblatum,  sed  sacram  illam  unitatem  nobis  sanciri,  qua  fit  ut  mors  eius  nobis  sit  vita,  nempe  dum  insiti  in  eius  corpus  vere  ab  ipso  alimur,  non  secus  ac  cibus  et  potus  corpora  nostra  vegetant.  Convenit  etiam  Christum  re  ipsa  et  efficaciter  implere  quidquid  analogia  signi  et  rei  signatae  postulat:  ideoque  vere  nobis  in  coena  offerri  communicationem  cum  eius  corpore  et  sanguine,  vel  (quod  idem  valet)  nobis  arrham  sub  pane  et  vino  proponi,"  quae  nos  faciat  corporis  et  sanguinis  Christi  participes.  Restant  capita  de  quibus  vel  quid  sentiendum  sit,  vel  quomodo  loquendum,  nondum  plane  liquet.  Quisquis3)  autem  sano  rectoque  iudicio  praeditus  simul  compositum  affectum  et  sedatum  afferet,  fatebitur  solum  de  modo  edendi  esse  certamen:  quia  palam  [pag.  95]  et  ingenue  asserimus,  Christum  fieri  nostrum,  ut  quae  possidet  bona  nobiscum  deinde  communicet:  eius  quoque  corpus  non  modo  semel  fuisse  datum  in  salutem  nostram,  dum  ad  expianda  peccata  immolatum  in  cruce  fuit,  sed  quotidie  nobis  in  alimentum  porrigi:  ut  dum  ipse  habitat  in  nobis,  bonorum  etiam  eius  omnium  societate  fruamur.  Vivificum  denique  esse  tradimus,  quia  vitam  suam  nobis  inspirat,  non  secus  atque  ex  panis  succo  vigorem  trahimus.  Ergo  prout  diversa  edendi  ratio  statuitur,  ex  hoc  fonte  oriuntur  lites.  Nostra  autem  definitio  est,  corpus  Christi  comedi,  quia  spirituale  est  animae  alimentum.  Rursus  alimentum  a  nobis  vocatur  hoc  sensu,  quia  incomprehensibili  spiritus  virtute  nobis  vitam  suam  inspirat,  ut  sit  nobis  communis,  non  secus  atque  a  radice  arboris  vitalis  succus  in  ramos  se  diffundit,  vel  a  capite  in  singula  membra  manat  vigor.  In  hac  definitione  nihil  captiosum,  nihil  obscurum,  nihil  ambiguum  vel  flexiloquum.  Quod  autem  quidam,  hac  dilucida  simplicitate  non  contenti,  volunt  Christi  corpus  deglutiri,4)  nec  scripturae  autoritate,  nec  veteris  ecclesiae  testimonio  nititur:  ut  mirum'sit  homines  mediocri  iudicio  et  eruditione  praeditos  tam  pertinaciter  de  novo  commento  certare.  Quod  docet  scriptura,  in  controver-  1)  eiusdem  in  eod.  add  a  Calvino.  2)  commendationem  Beza  et  Amst.  3)  abhinc  in  eod.  Genev.  Calvinus  manu  propria  suo  officio  defunctum  est.  i)  ore  de^  3  uti  ri  MS.