7:519  519  CONTRE  L'ASTROLOGIE  520  n'ont  pas  si  grande  vertu  pour  imprimer  quelques  qualitez  a  l'homme,  qu'en  sa  conception.  Ie  dy  encores,  le  cas  pose  que  les  astres  nous  qualifient  par  leur  influence,  que  cela  ne  vient  point  de  la  naissance.  Et  de  fait,  l'experience  commune  le  monstre.  Ce  n'est  pas  sans  cause  que  Perse  dit:  Geminos,  horoscope,  varo  [page  14]  Producis  genio.  C'est-a-dire  que  souz  un  mesme  horoscope,  deux  sortiront  du  ventre  de  diverses  natures.  1)  Cela  se  voit  tous  les  coups,  mesme  en  des  freres  gemeaux,  lesquelz  seront  autant  differens  de  l'un  a  l'autre,  comme  si  la  position  des  astres  avoit  este  toute  contraire.  Ie  laisse  a  dire  que  pour  iuger  mesmes  par  la  nativite  de  la  nature  d'un  homme,  outre  ce  qu'il  faut  avoir  tous  les  degrez  du  climat  bien  marquez,  il  faudroit  que  le  genethliaque  2)  eust  son  astrolabe  au  poing.  Car  de  se  fier  en  Fhorologe,  c'est  une  chose  trop  mal  seure.  Or  est-il  ainsi  qu'en  faillant  peu  de  minutes,  on  trouvera  grand  changement  au  regard  des  astres.  Toutesfois,  soit  par  la  conception  ou  naissance  qu'il  faille  iuger,  ie  demande  si  le  sexe  ne  surmonte  point  toutes  autres  qualitez  en  la  creature.  Or  est-il  ainsi  qu'en  un  mesme  moment  et  en  un  mesme  ventre  seront  conceuz  filz  et  fille,  et  en  un  moment  une  femme  acouchera  d'un  masle,  l'autre  d'une  femelle.  Dont  vient  ceste  diversite  en  ce  qui  est  le  principal,  sinon  que  les  estoilles  et  planettes  n'ont  pas  telle  puissance  comme  ces  gens  veullent  faire  accroire?  S'il  falloit  faire  comparaison,  il  est  plus  que  certain  que  la  semence  du  pere  et  de  la  mere  ont  une  influence  [page  15]  cent  fois  plus  vertueuse  que  n'ont  pas  tous  les  astres,  et  ce  nonobstant,  on  void  qu'elle  defaut  souvent,  et  aussi  la  disposition  peut  estre  diverse.  Prenons  deux  hommes  de  natures  fort  diverses,  ayans  chacun  sa  femme  de  nature  pareillement  repugnante,  qui  engendrent  enfans  en  une  mesme  heure,  que  les  femmes  acouchent  a  une  mesme  heure;  il  adviendra  ordinairement  que  les  enfans  tiendront  chacun  de  la  complexion  de  son  pere  et  sa  mere3),  plustost  que  du  regard  des  astres4)  qu'ilz  ont  eu  pareilz  tous  deux.  Et  la  raison  y  est  si  patente,  que  nul  de  sain  iugement  n'yra  a  l'encontre.  Qu'est-il  donc  de  dire  quant  a  l'influence  que  donnent  les  creatures  celestes  aux  hommes?  Ie  confesse,  suyvant  ce  que  i'ay  touche,  que  les  astres  ont  bien  quelque  concurrence  pour  former  les  complexions,  et  sur  tout  celles  qui  concernent  le  corps,  mais  ie  nye  que  le  principal  vienne  de  1)  dissimiles  et  naturas  et  vitas  et  casus  habere.  2)  Add.  Chaldaeum  latine  dicimus.  3)  de  leurs  peres  et  meres  1566  suiv.  4)  siderum  affectu.