5:519  ACTES  DE  RATISBONNE.  de  la  chair  est  inimitie  a  l'encontre  de  Dieu,  car  elle  n'est  point  assubiectie  a  la  loy  de  Dieu,  et  mesme  ne  s'y  peult  assubiectir  (Rom.  8,  7).  Tant  seullement  ceste  liberte  vault  pour  faire  les  oeuvres  externes,  et  de  ceste  vie  presente,  tant  bonnes  que  mauvaises.  Car  tout  ce  qui  n'est  de  foy  est  peche  (Rom.  14,  23).  A  raison  de  quoy  S.  Augustin  en  la  preface  du  psal.  31  dict  ainsi:  Ie  ne  pourroye  appeller  aucunes  oeuvres  bonnes,  qui  ne  procedent  de  bonne  racine.  Or  quant  a  la  liberte  qui  est  apres  la  reparation,  Christ  a  dict:  Si  le  filz  vous  a  delivrez,  veritablement  vous  serez  libres  (Iean  8,  36).  Et  Paul  aux  Romains  (8,  2):  La  loy  de  l'esprit  de  vie  m'a  delivre  de  la  loy  de  mort  et  de  peche.  Ceste  liberte  nous  est  restituee  et  conservee  par  le  filz,  moyennant  l'operation  du  S.  Esprit,  io^ixte  la  parolle  de  Christ:  Sans  moy  vous  ne  pouvez  rien  faire  (Iean  15,  5).  Et  ceste  de  S.  Paul  (Rom.  8,  26):  l'Esprit  supporte  noz  infirmites,  par  lequel  nous  sommes  delivrez  de  la  servitude  de  peche,  estans  renduz  serfz  de  iustice,  ainsi  que  dict  l'Apostre:  Estans  delivrez  de  peche  vous  estes  faitz  serfz  de  iustice.  Aussi  telle  liberte  est  appellee  liberte  de  peche.  [fol.  7]  Finablement  quant  a  la  liberte  apres  la  glorification,  qui  est  liberte  de  tout  erreur  de  iugement  et  mauvaise  concupiscence,  l'Apostre  en  faisant  mention  dict  ainsi,  que  lors  nous  verrons  Dieu  tel  qu'il  est,  et  a  iceluy  nous  serons  parfaictement  adioinctz,  mesme  Dieu  sera  toutes  choses  en  tous.  Et  pource  que,  par  la  redemption  qui  est  en  Iesus  Christ,  nous  sommes  veritablement  renduz  libres,  s  en  sorte  que  nous  pouvons  toutes  choses  en  celuy  qui  nous  consorte:  a  ceste  cause  on  doit  souvent  ramentevoyr  au  peuple  les  louanges  de  ceste  liberte,  a  celle  fin  qu'il  entende  ce  qu'il  a  obtenu  en  Christ,  et  comme  (quand  a  la  grace  qui  est  en  Iesus  Christ)  il  peult  maintenant  se  contenir  de  peche,  obeyr  a  Dieu  et  faire  ses  commandemens,1)  et  qu'il  doit  s'efforcer  a  ce  faire  de  tout  son  desir,  ainsi  que  faict  l'Apostre.  Peche  (dit-il)  ne  dominera  point  en  vous,  car  vous  n'estes  plus  soubz  loy,  mais  soubz  grace  (Rom.  6,  14).  Or  la  grace  de  Dieu  est  vie  eternelle  en  Christ  nostre  Seigneur.  Et  en  la  seconde  aux  Corinthiens  (6,  1):  Et  nous  ensemble  besongnans  vous  enhortons  que  vous  n'ayez  receu  en  vain  la  grace  de  Dieu.  Car  ainsi  faisant,  toutes  ces  choses,  comme  la  gloire  de  Christ,  l'abondance  et  force  de  la  grace,  et  du  don  de  iustice  quc  nous  recevons  par  luy,  sont  declairees  pour  estre  aimees.  Combien  aussi  qu'en  ce  faisant,  il  fault  1)  Note  marginale:  Les  protestans  aymeroyent  mieux  qu'il  '  eust  ainsi:  resister  a  peche  et  rendre  obeyssance  en  partie  ,  Dieu.