48:519  519  IN  ACTA  APOSTOLORUM  520  isti  libertatis  suae1)  zelotae  praecipuis  eius  defensoribus2)  non  parcunt,  modo  illorum  odio  Paulum  implicent.  Nazaraeis,  quos  dixi,  extra  hanc  causam  tanquam  animosis  legis  vindicibus  plausum  dedissent3).  Nunc  quasi  eorum  contagio  totum  mundum  inficiat,  summum  Paulo  dedecus  ex  illorum  societate  aspergunt.  Adde  quod  impudenter  Paulum  calumniantur.  Nemo  enim  eius  rei  suspectum  ipsum  habebat.  Crimen  ergo  velut  ex  trivio  arreptum  et  sine  colore  fictum  non  minus  improbe  quam  malitiose  in  eum  proiiciunt.  Verum  supina  'hac  securitate,  ut  alibi  diximus,  hypocritae  perrumpunt,  quidvis  sibi  licitum  putantes,  modo  zeli  fucum  obtendant.  6.  7.  Qui  etiam  templum  profanare.  Levis  erat  et  paene  frivola  apud  romanum  praesidem  accusatio,  qui  optasset  funditus  eversum  esse  templum.  Sed  quia  nihil  ad  movendos  tumultus  aptius  erat  quam  templi  profanatio,  astute  illius  Paulum  insimulat:  ac  si  diceret,  minime  per  eum  stetisse  quin  civitas  tumultuaretur:  ac  prae  se  tulisse  facem  pessimi  incendii,  nisi  obviam  itum  foret.  Simul  etiam  illud  alterum  involvit,  quia  violata  sit  religio  a  Paulo,  iudicium  eius  rei  proprie  ad  Iudaeos  spectare.  Et  hic  de  tribuno  Lysia  conqueritur,  quod  ipsis  ius  suum  extorserit.  Efficere  ergo  conatur,  ut  praeses,  quod  a  tribuno  ereptum  erat,  illis  restituat.  Hoc  quoque  astutia  non  caret,  quod  tribuno,  qui  humanius  quam  vellent  sacerdotes  se  gesserat  erga  Paulum,  fidem  abrogat  Tertullus:  suspectumque  oblique  reddit,  quia  palam  trahere  in  crimen  non  audet.  Sed  quaeritur  an  sperare  potuerint  tantum  sibi  deferri  a  praeside,  quum  soli  romani  magistratus  tunc  de  causis  capitalibus  cognoscerent.  Respondeo,  hic  aequitatem  simulare,  ac  si  clementius  Paulum  tract  a  r  e  haberent  in  animo  quam  dignus  erat.  Etsi  enim  de  capite  hominis  sententiam  non  ferebant,  permissa  tamen  illis  erat  modica  castigatio,  qualis  erat  virgarum.  Interea  non  desinit  Tertullus  eum  ad  mortis  supplicium  postulare  apud  praesidem.  8.  Inquisitione  facta.  Aequa  postulatio,  ne  praeses  ante  iudicet  quam  re  bene  comperta:  neve  Paulum  damnet,  nisi  legitime  convictum.  Sed  quomodo  hac  conditione  litigare  audent,  quum  sibi  sint  tam  male  conscii?  Respondeo  habuisse  testes  ad  manum:  nec  se  ad  probandum  offerre,  nisi  suo  arbitrio.  Quamquam  alius  erat  finis.  Felicem  enim  sperabant  talibus  ampullis  facile  persuasum  iri,  ut  reum  quasi  pro  damnato  eorum  libidini  subiiceret.  I  n  summa,  quo  se  ferocius  iactando  insultaverint  et  maiore  fiducia  fuerint  elati,  hoc  modo  se  fore  victores  putant:  quia  reo  praeclusus  erit  ad  defen-  0  Legis.  2)  Observatoribus.  3)  Dabant