32:519  519  QUATRIEME  SERMON  520  sa  vie)  a  este  attachee  a  la  terre.  Comme  s'il  disoit,  Seigneur,  il  ne  me  reste  plus  que  le  sepulchre,  ie  suis  comme  une  povre  creature  perdue  et  defaillie.  Or  ou  est-ce  qu'il  recourt?  a,  Dieu,  il  demande  d'estre  restaure.  Et  comment  cela?  selon  la  promesse  qu'il  avoit  receue.  Ainsi  donc  nous  voyons  ou  c'est  que  nous  devons  recourir  en  toutes  nos  necessitez.  Voyla  le  premier  point.  Le  second,  quand  nous  aurons  eu  nostre  refuge  a  Dieu,  .  que  nous  trouverons  en  luy  dequoy  nous  resiouir  pleinement.  Voyla  le  second.  Le  troisieme  est,  que  si  nous  voulons  obtenir  de  Dieu  qu'il  nous  restaure,  qu'estans  comme  morts  et  confus  nous  ayons  regard  a  ses  promesses:  car  voyla  qui  nous  donnera  le  courage  d'aller  a  luy.  Nous  avons  donc  yci  une  bonne  admonition,  et  bien  utile,  c'est  que  toutes  fois  et  quantes  que  nous  serons  pressez  de  tous  maux,  nous  regardions  a  Dieu,  d'autant  que  c'est  alors  qu'il  nous  cerche  plus  que  iamais,  et  demande  que  nous  venions  a  luy.  Cependant  il  nous  faut  noter,  qu'il  n'y  a  si  grand  mal  qui  nous  doyve  empescher  que  nous  n'allions  droit  a,  luy:  car  David  confesse  qu'il  a  este  comme  mort.  Quand  donc  nous  serons  iusques  au  bout,  comme  on  dit,  que  nous  n'en  pourrons  plus,  que  nous  serons  quasi  accablez  d'angoisse  et  tristesse,  mesmes  que  le  sepulchre  sera  desia  ouvert  pour  nous  engloutir:  ne  laissons  pas  toutesfois  de  requerir  a  Dieu  qu'il  nous  restaure,  car  c'est  son  office  propre,  quand  ii  nous  a  ainsi  abbatu  et  mis  iusqu'a  neant,  de  nous  restaurer  et  nous  vivifier.  Mais  scachons  qu'il  ne  faut  point  venir  a  luy  en  feintise  :  il  ne  faut  point  que  nous  demandions  qu'il  nous  restaure,  et  que  cependant  nous  soyons  vagans  et  ca  et  la,  ne  que  nous  cerchions  au  monde  ce  que  nous  faisons  semblant  de  cercher  en  luy.  Il  ne  faut  point  y  aller  ainsi  par  deux  voyes,  mais  que  nous  prenions  tout  nostre  contentement  en  Dieu,  et  en  sa  grace:  qu'il  nous  suffise  de  l'avoir  luy  seul  et  de  le  sentir  pitoyable  envers  nous:  quand  nous  avons  cela,  contentonsnous.  Mais  d'autant  que  nous  ne  pouvons  pas  venir  a  Dieu,  sinon  que  luy-mesme  nous  y  attire,  quand  nous  luy  demandons  qu'il  nous  restaure  et  qu'il  nous  tende  la  main,  il  faut  adiouster  ce  mot  qui  est  yci  exprime,  c'est  ascavoir,  Selon  sa  Parole  qu'il  nous  vivifie.  Or  par  cela,  comme  i'ay  desia  dit,  il  est  signifie  qu'au  milieu  de  la  mort,  nous  avons  salut,  d'autant  que  les  promesses  de  Dieu  ne  nous  defaudront  point.  Il  s'ensuit  au  second  verset,  Ie  fay  recite  mes  voyes,  et  tu  m'as  respondu,  enseigne-moy  tes  statuts,  Yci  David  allegue  une  autre  raison  a  Dieu  pour  estre  exauce:  ascavoir  que  ce  n'est  pas  le  premier  coup  qu'il  l'a  exauce:  que  Dieu  est  benin  et  liberal:  pour  ottroyer  a  ses  fideles  ce  qu'ils  demandent.  Or