7:518  prennent  une  maxime  qui  est  vraye:  que  les  corps  terrestres  et  en  general  toutes  creatures  inferieures  sont  subiettes  a  Tordre  du  ciel  pour  en  tirer  quelques  qualitez.l)  [page  12]  Mais  ilz  l'appliquent  tresmal.  Qu'ainsi  soit,  l'Astrologie  naturelle  monstrera  bien  que  les  corps  d'icy  bas  prennent  quelque  influxion  de  la  Lune,  par  ce  que  les  huyttres  se  remplissent  ou  se  vuydent2)  avec  icelle;  pareillement,  que  les  os  sont  pleins  de  mouelle  ou  en  ont  moins  selon  qu'elle  croist  ou  diminue.  C'est  aussi  de  la  vraye  science  d'Astrologie  que  tirent  les  medecins  ce  qu'ilz  ont  de  iugement  pour  ordonner  tant  saignees  que  breuvages,  pillules  et  autres  choses  en  temps  opportun.  Ainsi  il  faut  bien  confesser  qu'il  y  a  quelque  convenance  entre  les  Estoilles  ou  Planettes  et  la  disposition  des  corps  humains.  Tout  cecy,  comme  i'ay  dit,  est  compris  souz  l'Astrologie  naturelle.  Mais  les  affronteurs3)  qui  ont  voulu,  souz  ombre  de  l'art,  passer  plus  outre,  en  ont  controuve  une  autre  espece  qu'ilz  ont  nommee  Iudiciaire,  laquelle  gist  en  deux  articles  principaux:  c'est  de  savoir  non  seulement  la  nature  et  complexion  des  hommes,  mais  aussi  toutes  leurs  avantures,  qu'on  appelle,  et  tout  ce  qu'ilz  doyvent  ou  faire  ou  souffrir  en  leur  vie;  secondement,  quelles  yssues  doyvent  avoir  les  entreprises  qu'ilz  font,  traffiquans  les  uns  avec  les  autres;  et  en  general  de  tout  l'estat  du  monde.  Traitons  premierement  de  la  complexion  [page  13]  de  chacun  selon  sa  naissance.4)  Or,  comme  il  n'y  a  iamais  mensonge  si  lourd  ne  si  impudent  qui  n'emprunte  quelque  couleur  de  verite,  ie  confesse  bien,  quant  a  la  complexion  des  hommes,  et  sur  tout  aux  affections  qui  participent  aux  qualitez  de  leurs  corps,  qu'elles  dependent  en  partie  des  astres,  ou  pour  le  moins  y  ont  quelque  correspondance.  5)  Comme  de  dire  qu'un  homme  soit  plus  enclin  a  colere  qu'a  flegme,6)  ou  au  contraire.  Toutesfois,  encores  en  cecy  il  y  a  plusieurs  choses  a  noter.  Noz  Mathematiciens,  ausquelz  ie  parle,  assoyent  leur  iugement  sur  l'heure  de  la  naissance.  Ie  dy,  au  contraire,  que  l'heure  de  la  generation  est  plus  a  considerer,  laquelle  le  plus  souvent  est  incogneue.  Car  la  mere  n'a  pas  tousiours  terme  prefix  pour  enfanter  selon  qu'elle  a  conceu.  Quelque  replique  qu'ilz  ayent,  si  est-ce  que  ilz  seront  convaincuz  par  raison  qu'en  l'enfantement  les  astres  1)  inferiora  corpora  cum  astrorum  cursu  cognationem  quandam  habere.  2)  crescant  et  decrescant.  3)  impostores.  4)  quae  ad  cuiusque  ex  natali  die  habitudinem  constitutionemque  attinent.  5)  aut  certe  consensum  et,  ut  Graeci  appellant,  συμπάθειαν  quandam.  6)  ad  bilem  atram  propensior  quam  ad  pituitam.  33*