6:518  quum  sacras  oblationes  perperam  consumi  a  sacerdotibus  animadverteret  l  quaestorem1)  suum  praefecerit  rationibus  reposcendis  (2  Par.  24,  l  l  )  .  Et  tamen  illi  erant  sacerdotes,  quibus  ordinariam  administrationem  Deus  mandaverat.  Quid  ergo  cum  iis  agendum,  qui  nec  funguntur  legitimo  ministerio,  nec  templi  modo  instaurationem,  sicub  illi,  negligunt,  sed  ad  diruendam  ecclesiam  nervos,  opesque  omnes  impendunt?  [pag.  113]  Verum  administratio  qualis?  dicet  quispiam.  Sane,  ut  non  penitus  reprehensione  careat,  longe  saltem  et  melior  et  sanctior,  quam  in  hostium  nostrorum  partibus.  Inde  saltem  aluntur  veri  ministri,  qui  populum  salutis  doctrina  pascant:  quum  antehac  nudae  ac  destitutae  a  pastoribus  ecclesiae,  sumptu  tamen  alimentorum  gravarentur.  Ubicunque  scholae  erant  aut  ptochotrophia,  manent:  aucti  etiam  alicubi  reditus,  nusquam  imminuti.  Multis  etiam  locis  in  vicem  monasteriorum  instituta  ptochotrophia,  quae  ante  non  fuerant,  alicubi  etiam  erectae  novae  scholae,  ubi  non  magistris  tantum  ordinata  sunt  stipendia,  sed  pueri  quoque  in  eam  spem  educantur,  ut  postea  ecclesiae  serviant.  Denique  multa  commoda  in  commune  percipiunt  ecclesiae  ex  iid  opibus,  quas  sacerdotes  et  monachi  prius  soli  heluabantur.  Neque  exigua  portio  in  sumptus  extraordinarios  absumitur:  qui  tamen  optimo  iure  in  rationem  venire  debent.  Certum  est,  multo  plus  consumi,  rebus  ita  confusis,  quam  si  composito  certo  ordine  inter  ecclesias  conveniret.  Eiusmodi  impensas,  quae  non  privati  compendii  gratia,  sed  in  publicam  ecclesiae  necessitatem  fiunt,  nostris  principibus  ac  civitatibus  non  ferri  expensas,  perquam  iniquum  foret.  Praeterea  non  subducunt  adversarii  rapinas  illas  et  iniustas  exactiones,  quibus  ecclesiae  sub  sacrificis2)  expilabantur,  nunc  autem  sunt  sublevatae.  Verum  ob  unam  causam  prope  supervacua  est  tota  haec  disputatio:  quod  iam  ante  triennium  testati  sint  nostri  principes,  moram  se  [pag.  114]  nullam  in  restitutione  facturos,  modo  in  eundem  se  ordinem  cogi  patiantur,  qui  et  amplius  multo,  idque  minus  honesto  colore  detinent,  et  in  administratione  multo  dissolutius  peccant.  Habet  igitur  tua  Maiestas,  invictissime  Caesar,  eos  sua  promissione  obstrictos.  Exstat  etiam  in  manibus  hominum  libellus:  ut  ad  doctrinae  consensionem  ea  res  non  debeat  esse  impedimento.  Ultimum  ac  praecipuum,  quo  nos  gravant,  crimen  est  factae  ab  ecclesia  discessionis.  Atque  hic  ferociter  nobis  insultant,  quod  nulla  causa  sit,  cur  abrumpere  liceat  ecclesiae  unitatem.  Verum,  quantum  nobis  faciant  iniuriae,  testes  sunt  nostrorum  1)  Beza  mendose  scripsit  quaestum,  quod  deinceps  servatum  est.  2)  Idem:  sacrificiis.  33*