48:518  et  legitima  agendi  forma.  Ac  posset  hoc  in  utramque  partem,  ut  vulgo  loquuntur,  disputari.  Sed  ego  non  aliud  improbo,  nisi  quod  palam  vitiosum  est.  Falsis  enim  laudibus  se  oblique  insinuat  hic  rhetor,  ut  rem  ipsam,  de  qua  agitur,  obscuret.  Quorsum  enim  de  pace  et  statu  bene  composito  loquitur,  nisi  ut  Felix  Iudaeae  salutem  in  Pauli  damnatione  sitam  esse  putans  de  causa  non  cognoscat?  Ad  haec  ex  Iosepho  patet  quam  avare,  crudeliter  et  libidinose  in  illa  provincia  se  gesserit  Felix.  Iam  praecesserat  indigna  et  tragica  caedes  summi  pontificis  Ionathae,  quia  se  dissolutae  eius  tyrannidi  opponere  ausus  fuerat.  Denique  eodem  fere  tempore,  importunis  totius  gentis  querimoniis  coactus  est  Claudius  Caesar,  submisso  in  eius  locum  Festo,  illum  revocare  ad  causam  dicendam.  Ergo  videmus  quam  turpiter  et  sine  pudore  mentitus  fuerit  hic  rhetor.  Quando  autem  succinunt  omnes  Pauli  adversarii,  videmus  odio  excaecatos  et  malitia,  communem  patriae  statum  perfide  prodere:  nec  quidquam  habere  pensi,  modo  Paulus  ad  necem  dedatur.  Ubi  Erasmus  vertit:  Multa  recte  gerantur,  vetus  interpres  propius  accedere  videtur  ad  mentem  Lucae,  qui  dicit  fieri  xatopitojAaTa,  quod  tantundem  valet  ac  reformationes,  vel  correctiones.  Industriam  ergo  Felicis  Tertullus  commendat,  quod  a  multis  corruptelis  Iudaeam  purgaverit,  multaque  restituerit  in  melius,  quae  alioqui  pessum  ibant:  quo  scilicet  cupidius  morte  unius  hominis  favorem  gentis  sibi  acquirat,  quam  sciebat  alioqui  sibi  esse  infensam.  5.  Nacti  enim  sumus  virum  hunc.  Duplicem  habet  scopum  Tertullus.  Hoc  in  primis  captat,  ut  Paulus  tradatur  Iudaeis,  quoniam  iusta  sit  illorum  cognitio,  ubi  de  cultu  Dei  et  Mosis  lege  agitur.  Sin  vero  hoc  negatum  fuerit,  capitale  crimen  intentat,  quod  seditionem  Paulus  concitaverit  in  plebe.  Sciebant  nullum  esse  magis  odiosum  crimen  Romanis:  ideo  eius  maxime  infamia  Paulum  onerant.  Ac  id  ipsum  amplificat  Tertullus,  quum  dicit  Paulum  in  toto  orbe  concitare  Iudaeos.  Sed  mirum  est  cur  addat  principem  esse  sectae  Nazaraeorum,  quod  in  laude  potius  quam  vituperio  apud  Iudaeos  habitum  fuisse  scimus  *).  Ego  autem  non  eos  notari  existimo,  qui  se  legitimo  et  antiquo  legis  ritu  J)eo  consecrabant:  sed  tumultuosos  Ulos  sicarios,  qui  se  etiam  plausibili  nomine  vociferabant  zelotas.  Quae  factio  circiter  illud  tempus  emersit:  imo  ex  Iosephi  historia  colligitur  iam  tunc  fuisse  grassatos.  Alii  Nazarenos  pro  Christianis  poni  sentiunt:  quod  ego  non  aegre  admitto.  Caeterum  si  prior  expositio  placeat,  astute  sectam  opponit  Paulo  Romanis  exosam.  Nam  quum  zelotae  illi  eximii  prae  aliis  censeri  vellent  legis  cultores,  zeli  praetextu  quasi  vexillum  tollebant  ad  irritandos  plebis  animos.  Interea  boni  *)  Videtur  ideo  hoc  factum  esse  quia  Nazaraei  quum.  33*