37:518  glorificare  nomen  tuum,  et  ita  testari  nos  totos  tibi  esse  addictos,  quemadmodum  vere  nos  devinxisti,  quum  voluisti  nos  adoptare  in  filio  tuo  unigenito,  Amen.  20.  Quia  a  saeculo  confregi  iugum  tuum,  disrupi  vincula  tua:  et  dixisti,  Non  serviam  (vel  non  transgrediar,  est  enim  duplex  lectio),  quia  super  omnem  collem  excelsum,  et  super  omnem  arborem  frondosam  tu  discurristi  meretrix.  Quoniam  apud  Hebraeos  duplex  est  lectio  (quidam  enim  putant  esse  verbum  -oy,  alii  "oy,  ut  est  magna  affinitas  inter  T  et  i)  ideo  etiam  sensus  elicitur  diversus.  Nam  si  legimus,  non  transibo,  vel  non  transgrediar,  ut  sit  verbum  abad1),  sensus  erit,  Quum  ego  disrupi  iugum  tuum,  hoc  est,  liberavi  te  a  tyrannide  Aegyptiaca,  tunc  mihi  dedisti  fidem.  Fuit  enim  tunc  mutuus  contractus  inter  Deum  et  Israelitas:  quia  sicuti  illos  recepit  Deus  in  fidem  suam,  ut  esset  eorum  quasi  patronus:  ita  vicissim  polliciti  sunt  se  fore  sub  eius  imperio.  Si  recipimus  hanc  lectionem,  erit  expostulatio,  quasi  Deus  hic  damnaret  populum  ingratitudinis  et  perfidiae.  Sed  videtur  propheta  aliud  velle:  et  ideo  mihi  magis  probatur  altera  lectio,  non  serviam.  Sed  interea  repudio  quod  adducunt  interpretes:  nec  dubito  quin  locus  hic  corruptus  fuerit:  quoniam  invaluerat  illa  expositio,  Non  serviam  idolis,  et  videbant  qui  praediti  erant  aliquo  iudicio  non  quadrare  hunc  sensum,  sed  esse  coactum,  vel  procul  petitum,  ideo  fieri  postest,  quod  mihi  est  probabile,  ut  hac  ratione  corrupta  fuerit  litera,  ut  loquuntur.  Nam  sic  omnes  exponunt,  Dixisti  non  serviam  idolis.  Atqui  hoc  est  nimis  coactum.  Ego  autem  potius  existimo,  Deum  hic  conqueri,  quod  libertas,  quam  populo  suo  dederat,  conversa  fuit  in  licentiam:  et  hoc  optime  convenit,  quemadmodum  patebit  ex  ipso  contextu.  Quoniam  a  saeculo  confregi,  inquit,  iugum  tuum,  et  disrupi  vincula  tua,  ideo  dixisti  (nam  1  hic  debet  resolvi  in  particulam  illativam:  Ideo  dixisti)  Non  serviam^  hoc  est,  quum  deberes  te  mihi  addicere,  qui  eram  redemptor  tuus,  putasti  partam  esse  tibi  licentiam.  Et  causae  etiam  redditio  optime  convenit,  Quia  super  omnem  collem  excelsum,  et  subtus  omnem  arborem  frondosam  discurrebas  meretrix.  Ostendit  igitur  Deus  male  collocatum  fuisse  beneficium  redemptionis  erga  impios,  qui  abusi  sunt  sua  conditione.  Nam  hinc  factum  est,  ut  se  proiecerint  ad  omnem  lasciviam.  Si  cui  magis  placeat  diversa  lectio,  ego  non  contendam:  et  tunc  sensus  erit,  Ego  pridem  excussi  iugum  tuum,  et  disrupi  vincula  tua:  tu  vero  dixisti,  hoc  est,  mihi  pollicita  es  (nam  de  populo  illo  quasi  de  muliere  loquitur,  et  ideo  est  femineum  genus,  et  hoc  4)  Sic  edd.  lege  abar.  33*