25:518  15.  Dedit  ergo  Moses  tribui  filiorum  Ruben  per  familias  suas:  16.  Fuitque  illis  terminus  ab  Aroer,  quae  est  iuxta  ripam  torrentis  Arnon,  et  urbs  quae  est  in  medio  vallis,  et  universa  planities  quae  est  iuxta  Medeba.  17.  Hesbon  et  omnes  urbes  eius,  quae  erant  in  planitie:  Dibon  et  Bamot-baal,  et  Beth-baalmeon.  18.  Et  Iahasah,  et  Cedemoth,  et  Mephaath.  19.  Et  Ciriathaim,  et  Sibmah,  et  Sereth-sahar  in  monte  vallis.  20.  JEt  Beth-peor,  et  Asdoth-Tisgah,  et  Beth-iesimoth.  21.  Et  omnes  urbes  planitiei,  et  universum  regnum  Sihon  regis  Emorrhaei,  qui  regnabat  in  Hesbon,  quem  percussit  Moses:  et  principes  Midian,  Evi  et  Rekem,  et  Sur,  et  Hur,  et  Reba,  duces  Sihon  habitatores  terrae.  22.  Et  Bileam  filium  Beor  divinatorem  occiderunt  filii  Israel  gladio  cum  interfectis  eorum.  23.  Fuit  autem  terminus  filiorum  Ruben  :  Iordanis  et  terminus.  Haec  est  haereditas  filiorum  Ruben  per  familias  suas,  urbes  et  villae  earum.  24.  Deditque  Moses  tribui  Gad,  filiis  Gad  per  familias  suas.  25.  Et  fuit  eis  terminus  Ia#er,  et  omnes  urbes  Gilead,  et  dimidium  terrae  filiorum  Ammon  usque  ad  Aroer,  quae  est  coram  Rabbah.  26.  Et  ab  Hesbon  usque  ad  Ramath  ipsius  Mispe,  et  Bethonim:  et  a  Mahanaim  usque  ad  terminum  ipsius  Debir.  27.  Et  in  valle  Beth-haram,  et  Bethnimrah,  et  Succoth,  et  Saphon:  residuum  regni  Sihon,  regis  Hesbon,  Iordanem  et  confinium,  usque  ad  extremum  maris  Chinnereth,  trans  Iordanem  ad  Orientem.  28.  Haec  est  haereditas  filiorum  Gad  per  familias  suas,  urbes  et  villae  earum.  29.  Dedit  praeterea  Moses  dimidiae  tribui  Manasse:  fuitque  dimidiae  tribui  filiorum  Manasse  per  familias  suas:  30.  Fuit,  inquam,  terminus  eorum  a  Mahanaim  omnis  Basan  totius  regni  Og  regis  Basan,  et  omnes  Havoth-Iair,  quae  sunt  in  Basan,  sexaginta  urbes.  31.  Et  dimidium  Gilead,  et  Astaroth,  et  Edrei,  urbes  regni  Og  in  Basan,  filiorum  Machir,  filii  Manasse,  dimidiae  parti  filiorum  Machir,  per  familias  suas.  32.  Istae  sunt  haereditates  quas  tradidit  Moses  in  campestribus  Moab  a  transitu  Iordanis  ipsi  Iericho  ad  Orientem.  33.  Tribui  autem  Levi  non  dedit  Moses  haereditatem:  Iehova  Deus  Israel  ipse  est  haereditas  eorum,  quemadmodum  dixit  illis  *).  15.  Dedit  ergo  Moses.  Quod  visus  fuerat  satis  clare  dixisse,  nunc  distinctius  persequitur,  non  tantum  ut  lectio  populum  incitet  ad  gratias  agendas,  dum  publicis  monumentis  consignatum  erit  Dei  beneficium,  et  quasi  ante  oculos  versabitur:  sed  etiam  ut  sua  quisque  haereditate  sine  molestia  et  iurgio  fruatur.  Scimus  quam  ingeniosa  sit  hominum  cupiditas  ad  excogitandos  litigandi  praetextus:  ut  nemini  ius  suum  salvum  esse  possit,  nisi  liquida  et  perspicua  iuris  definitio  controversias  omnes  tollat.  Extra  sortem  data  fuerat  illa  regio.  Excipere  aliis  1)  In  margine:  vel,  de  illis.  33*