20:518 4223. PROCEDURE CONTRE PIERRE NINAUT. (Bibliotheque de Geneve. Portefeuille 197a.) Quant a ce que maistre Pierre Ninaut dit qu'il n'a point este d'accord avec Hierome quant a la doctrine, il y a grande occasion de penser le contraire, pource qu'il a tousiours hante fort familierement tant avec ledit Hierome comme avec Hierome Carrare ministre de Cernant. Item quant a ce qu'il dit qu'il n'a point faict le serment a messieurs de Berne sinon depuis qu'il fut despose de draillan ie luy ay autrefois ouy dire que quant il luy fut fait commandement par le bailly de Thonnon de ne venir plus a la congregation a Geneve, il vint par plusieurs fois par devers monsieur Calvin pour avoir son conseil sur cela, et que a la fin monsieur Calvin luy dist qu'il fust rentre et l'entendroit et qu'il ne scavoit quel conseil luy donner et que voyant qu'il n'avoit autre response force luy fut d'obeir au commandement dudit Bailly de Thonon : Et aussy n'eust il pas este receu a faire le serment comme doyen de la classe sans cela. Quand maistre Jehan Fabri fut despose l) il me dist au prieure de Draillan qu'il y avoit un homme en ceste ville quil ne falloit qu'offenser le moins du monde pour estre chasse de Geneve: c'est ascavoir monsieur Calvin et a tousiours estime qu'il n'avoit point este depose sinon a sa poursuyte. Quand il fit le voyage pour lequel il fut depose de Draillans 2) les femmes mesme du village disoyent bien qu'il avoit reprins son froc pour aller en France. Et les freres de sa femme mesme luy ont reproche qu'il recevoit quelque argent de son pais pour dire des messes pour ses amis trespassez. Il a aussi eu fort mauvais bruit de paillarder avec la soeur de sa femme,3) et s'il en eust este recherche de pres ie croy qu'on eust trouve que ce n'estoit sans cause. Il receut un iour a Issoudun dix escus pour maistre Ioachim de Congnac lesquels il luy desroba en tant qu'en luy fut. Car il n'en dit rien audit maistre Ioachim et n'en eust rien sceu si son frere ne luy eust mande et les recouvra do luy en grande difficulte. 4223.1) En Mars 1556 (N. 2411 suiv.) 2) II y a donc eu, a ce qu'il parait, une premiere enquete contre lui, bien anterieure a la presente, et c1 est a cette epoque que doit se rapporter sa presence a Issoudun, a moins qyion ne veuille reporter celle-ci avant sa premiere sortie de France. 3) ll est fait (illusion a ce fait 2V. 1962 au mois de Juin 1554. Voyez aussi Beg. du Conseil 28 et 29 Mai de la meme annee 33 .