9:517  517  CHRISTI  IN  COENA.  518  pane?  Si  excusabilis  sit  tam  crassa  superstitio,  gravem  iniuriam  gentibus  fecerunt  prophetae,  quum  eas  colere  dicerent  aurum,  argentum,  ligna  et  lapides.  Coeleste  numen  venerari  se  putabant  omnes  increduli,  dum  simulacris  et  imaginibus  supplicabant.  Nulla  illis  erat  hypostatica  unio,  sed  similitudo  duntaxat:  et  quamvis  potentiam  Dei  affigerent  simulacris,  nunquam  tamen  ausi  fuissent  asserere  lignum  substantialiter  esse  Deum.  Hoc  qui  de  pane  tam  inverecunde  pronunciant,  eos  non  censebimus  panis  cultores?  Quod  sequitur  non  obscure  indicat,  quam  reverenter  cogitet  de  immensa  Dei  essentia.  Si  ita  est,  inquit,  adoremus  ergo  ligna  et  lapides,  in  quibus  vera  est  Dei  essentia.  Nam  etsi  coelum  et  terram  implet  Deus,  et  ubique  diffusa  est  eius  essentia,  ab  hoc  tamen  perverso  commento,  quod  assuit  Heshusius,  et  a  profana  loquutione  abhorret  pietas.  Habitabat,  inquit,  spiritus  Dei  in  Elia:  cur  non  eum  adoravit  Elisaeus?  Sed  quid  inter  omnes  praesentiae  Dei  species,  de  quibus  loquitur  scriptura,  et  hanc  de  qua  contendit  Heshusius  simile?  Non  est  igitur  cur  superbe  despiciat  obiectiones,  a  quibus  se  tam  infeliciter  expedit.  Mirum  autem  cur  ad  hunc  exiguum  numerum  restringat  argumenta,  quibus  coarguitur  eorum  error.  Non  ignorat  a  Magdeburgensibus  posita  fuisse  quinquaginta  novem:  cur  ergo  maioris  partis  nulla  ut  mentio:  nisi  quia  nodos  inexplicabiles  sine  magno  suo  dedecore  attingere  non  poterat:  et  alios  videbat  ita  esse  exceptos,  ut  [pag.  92]  optimum  compendium  esset  dissimulatio?