7:517  517  JUDICIAIRE.  518  lice.  *)  Or,  quant  a,  ce  regime  et  conduite  dont  il  parle,  vray  est  que  les  ignorans  en  ont  bien  quelque  goust  et  apprehension:  mais  la  science  d'Astrologie,  outre  les  effectz,  monstre  aussi  les  causes.  Exemple:  les  plus  rudes  et  idiotz  voyent  bien  que  les  iours  sont  plus  cours  en  hyver  qu'en  este,  qu'il  fait  chaud  en  este  et  froid  en  hyver:  mais  ilz  ne  parviennent  pas  si  haut  de  iuger  comment  ne  pourquoy  cela  se  fait.  Les  eclypses  du  Soleil  et  de  la  Lune  sont  cogneues  a  tout  le  monde:  mais  les  causes  en  sont  cachees,  si  ce  n'est  qu'on  les  apprenne  par  doctrine.  Il  ne  faut  point  aller  a  l'escole  pour  voir  qu'il  y  a  des  Estoilles  au  ciel.  Mais  ce  n'est  pas  a  tous  de  comprendre  la  mesure2)  de  leurs  cours,  leurs  revolutions,  leurs  rencontres  et  autres  choses  semblables,3)  car  cela  requiert  un  savoir  special.4)  Par  ainsi,  l'Astrologie  sert  a  determiner  le  cours  des  Planettes  et  Estoilles,  tant  pour  le  temps  que  pour  l'ordre  et  situation:  le  temps,  dyie,  pour  savoir  quel  terme  il  faut  a  chascune  Planette  et  au  firmament  pour  accomplir  leur  circuit;  la  situation,  pour  iuger  combien  il  y  a  de  distance  de  l'une  a,  l'autre:  discerner  les  mouvemens  droitz,  ou  obliques,  ou  quasi  contraires:  de  la  savoir  monstrer  pourquoy  le  Soleil  plustost5)  est  plus  loing  de  [page  l  l  ]  nous  en  hyver  qu'en  este;  pourquoy  il  fait  plus  longue  demeure  sur  nous  en  este  qu'en  hyver;  de  savoir  compasser  a  l'endroit  de  quel  signe  du  Zodiaque  il  est  chascun  moys,  quelles  rencontres  il  a  avec  les  autres  Planettes,  pourquoy  la  Lune  est  pleine  ou  vuyde  selon  qu'elle  se  reculle  du  Soleil  ou  en  approche;  6)  comment  se  font  les  eclypses,  voire  iusques  a  compasser  les  degrez  et  minutes.  Ce  fondement  mis,  s'ensuyvent  les  effectz  que  nous  voyons  icy  bas;  lesquelz  par  l'Astrologie  on  cognoist  provenir  d'en  haut,  et  non  seulement  quand  ilz  sont  passez,  mais  pour  en  estre  advertiz  devant  le  temps.  Il  n'y  a  celuy  qui  ne  voye  les  pluyes,  les  gresles  et  neiges,  et  qui  n'oye  le  bruit  des  ventz:  mais  nul  ne  sait  les  causes  que  par  le  moyen  de  l'Astrologie,  laquelle,  comme  i'ay  dit,  en  donne  mesme  quelques  coniectures  pour  l'advenir.  Combien  qu'on  n'en  peust  pas  faire  une  reigle  perpetuelle.  Ie  parle  donc  du  cours  ordinaire,  qui  n'est  point  empesche  d'autres  accidens  survenans  d'ailleurs.  Or,  voicy  le  noeud  de  la  matiere  que  nous  avons  a  deduire:  car  noz  Astrologues  contrefaitz7)  1)  quae  ad  rei  publicae  gerendae  rationem  atque  prudentiam  attinent.  2)  L'edition  Lacroix  'porte:  nature.  3)  interstitionesque.  4)  raram  ac  singularem≫  5)  plustost  est  omis  1611.  6)  quam  ob  rem  luna  ortum  aut  obitum  accessu  aut  recessu  solis  accipiat.  7)  adulterini.