6:517  REFORMANDAE  ECCLESIAE.  sicut  Paulus  testatur.  Et  quae  sunt  ista  circa  altare  obsequia,  quibus  victum  deberi  [pag.  l  l  l  ]  iactant?  Nempe  quod  peragunt  suas  missas,  et  cantillant  in  templis,  hoc  est,  partim  operam  sine  fructu  ludunt,  partim  sacrilegium  perpetrant,  quo  ira  Dei  provocetur.  En  cur  illis  ex  publico  praebeantur  alimenta.  Hi  sunt,  qui  inexpiabilis  sacrilegii  nostros  principes  accusant,  quod  patrimonium  ecclesiae  Deo  consecratum  rapuerint  per  vim  et  summam  iniuriam,  et  nunc  in  profanos  usus  dilapident.  Iam  quidem  testatus  sum,  nolle  me  omnia,  quae  apud  nos  fiunt,  excusare:  quin  potius  non  maiorem  alicubi  rationem  haberi,  ut  in  eos  tantum  usus  impendantur  ecclesiae  reditus,  quibus  sunt  dedicati,  mihi  displicere  profiteor.  Mecum  etiam  id  gemunt  omneb  boni.  Verum,  hoc  tantum  in  praesentia  agitur:  rapuerintne  per  sacrilegium  ecclesiae  bona  principes  nostri,  quum  ex  sacerdotum  et  monachorum  erepta  manibus,  ea  ad  se  receperunt?  Num  quia  aliorsum  ea  conferunt,  quam  ad  saginandos  illos  ventres,  ideo  ipsa  profanent?  1)  Suam  enim  adversarii,  non  Christi,  nec  ecclesiae,  causam  agunt.  Fateor  certe,  grave  iudicium  pronunciari  adversus  eos,  qui  ecclesiam  spoliaverint,  ut  sibi  raperent  quod  illius  erat.  Sed  ratio  simul  additur,  quia  veros  ministros  fraudent  suo  victu:  quia,  pauperes  fame  necando,  rei  sint  sanguinis.  Hoc  autem  quid  ad  nostros  adversarios?  Quis  enim  ex  eorum  cohorte  testabitur,  quod  de  se  olim  testatus  est  Ambrosius:  sumptum  esse  egenorum  quidquid  possidet?  Item,  nihil  habere  episcopum,  quod  [pag.  112]  pauperum  non  sit.2)  Imo  quotusquisque  est  eorum,  qui  non  aeque  licenter  eo  quod  possidet  abutatur,  ac  si  libidini  suae  ad  quamlibet  profusionem  expositum  foret?  Frustra  ergo  sibi  ablata  esse  expostulant,  quae  nec  ullo  iure  occupabant,  et  dilapidabant  per  summum  nefas.  Non  enim  licuit  hoc  modo  nostris  principibus,  sed  etiam  necesse  fuit.  Quid  enim  quum  ecclesiam  veris  ministris  nudam  ac  destitutam  cernerent,  reditus  autem,  qui  alendis  ministris  dicati  essent,  ab  otiosis  ignavisque  hominibus  supprimi  :  quum  Christi  ac  pauperum  patrimonium  cernerent,  vel  ingurgitari  a  paucis,  vel  in  sumptuosos  luxus  dissolute  profundi,  an  non  admoverent  manum?  Imo  quum  obstinatos  veritatis  hostes  ecclesiae  patrimonio  incubare,  et  eo  ad  Christum  impugnandum,  ad  opprimendam-  pietatis  doctrinam,  ad  persequendos  eius  ministros  abuti  cernerent,  an  non  excuterent  protinus  ex  eorum  manibus,  ne  ad  vexandam  ecclesiam  eccle&iae  saltem  opibus  armati  instructique  essent?  Laudatur  spiritus  sancti  testimonio  rex  Ioas,  quod  1)  profanant,  1576  seqq.  2)  Epistol,  lib.  5.  Epist.  31  et  33.