48:517  517  CAPUT  XXIV.  518  dicens  :  Quum  in  multa  pace  agamus  per  te,  et  multa  restituantur  in  gente  hac  per  tuam  providentiam:  3.  et  semper  et  ubique  amplectimur,  praestantissime  Felix,  cum  omni  gratiarum  actione.  4.  Sed  ne  diutius  te  detineam,  oro  te  ut  audias  nos  paucis  pro  tua  humanitate.  5.  Nacti  enim  sumus  virum  hunc  pestiferum  et  concitantem  seditionem  omnibus  Iudaeis  in  universo  orbei  et  autor  em  sectae  Nazaraenorum,  6.  qui  etiam  templum  profanare  conatus  est:  quem  et  apprehensum  voluimus  secundum  legem  nostram  iudicare:  7.  Sed  superveniens  tribunus  Lysias  cum  magna  vi  eripuit  eum  e  manibus  nostris,  8.  iubens  accusatores  eius  ad  te  venire,  ex  quo  poteris  ipse,  inquisitione  facta,  de  omnibus  istis  cognoscere,  de  quibus  nos  accusamus  eum.  9.  Adiecerunt  autem  et  Iudaei,  dicentes  haec  ita  habere.  1.  Quod  Ananias  Caesaream  descendit  Pauli  accusandi  causa,  magis  probabilem  facit  coniecturam  quam  prius  attuli  de  eius  sacerdotio.  Nam  expeditio  ista  summi  "pontificis  dignitate  erat  inferior.  Fuit  igitur  alius  quispiam  tunc  summus  pontifex:  Ananias  vero  primarius  sacerdos,  quum  gubernacula  teneret  ac  vir  esset  strenuus,  legationem  hanc  obire  oportuit.  Turbam  vero  secum  adducit  :  et  ��quidem  ex  venerando  seniorum  collegio,  ut  specie  ipsa  moveatur  praeses  ad  Paulum  damnandum.  Sed  quum  Paulus  dicendi  artificio  non  uteretur,  saltem  nihil  opus  fuit  rhetore  conducto,  qui  verborum  facundia  cum  eo  certaret.  Adde  quod  et  dignitate  et  hominum  copia  praestabant,  ut  facile  illis  esset  miserum  hominem  omnique  auxilio  desertum  obruere.  Signum  ergo  malae  conscientiae  fuit,  quod  magno  rerum  usu  pollentes,  in  publicis  negotiis  exercitati  rerumque  forensium  periti,  rhetorem  conducunt.  Est  quidem  eloquentia  donum  Dei,  fateor:  sed  in  hac  causa  nihil  quam  merus  fucus  ad  iudicem  fallendum  quaesitus  est.  Hoc  autem  ideo  narrat  Lucas,  ut  sciamus  nihil  omissum  fuisse  a  Iudaeis,  quo  Paulum  opprimerent:  nec  modo  perverterent  eius  innocentiam,  sed  territo  et  confuso  defensionem  excuterent.  Atque  ita  reputemus  mirifica  Dei  gratia  factum  esse,  ut  Paulus  tam  duros  insultus  intrepide  sustinuerit.  Quare  si  quando  contingat  pium  hominem  solitarium  a  magno  hostium  numero  obsideri,  veniat  haec  historia  in  mentem  et  animum  a  pavore  colligat  Sicuti  etiam  David  suo  exemplo  nos  hortatur:  Si  me  circumstent  castra,  non  timebo,  quia  tu  mecum  es  (Psal.  27,  3).  2.  Quum  in  multa  pace.  Praefatur  extra  causam  Tertullus,  quia  Felicis  prudentiam  et  virtutes  laudat,  quo  sibi  favorem  conciliet.  Putidum  igitur  et  adulatorium  exordium  est.  Non  quod  eorum  sententiae  subscribam  qui  Tertullum  exagitant,  quia  blanditiis  iudicem  demulceat  et  sibi  alliciat.  Laudare  enim  iudicem  non  semper  alienum  est  a  recta