37:517  517  IN  IEREMIAM.  CAP.  IL  518  tioebat  quidem  semper  aliquem  cultum  in  templo:  sed  quum  tota  religio  vitiata  esset  multis  superstitionibus,  deinde  quum  nulla  esset  fides,  nulla  sinceritas:  quum  etiam  miscerent  vero  Deo  sua  idola,  hoc  fuit  plane  a  Deo  ipso  deficere,  qui  aemulus  est  sui  honoris,  quemadmodum  dicitur  in  lege,  neque  admittit  ullos  rivales.  Tenemus  ergo  nunc  prophetae  consilium.  Iam  dicit,  Cognosces  quam  malum  sit  et  amarum.  Hoc  ad  poenas  referri  debet:  sed  continuat  superiorem  sententiam,  nempe  mala  quae  tunc  patiebatur  populus,  non  fortuito  contingere,  et  quum  premeretur  multis  acerbis  doloribus,  non  procul  quaerendam  esse  causam,  quia  scilicet  haec  amaritudo,  et  quidquid  calamitatum  erat  fluebat  ex  impietate.  Cognosces  ergo  ipsa  mercede,  ipsa  experientia  te  convincet  quid  sit  deficere  a  Deo,  et  dicit,  A  Iehovah  Deo  tuo,  vel  derelinquere  Iehovam  Deum  tuum.  Nam  si  Deus  non  patefecisset  suam  gratiam  Israelitis,  non  fuisset  tam  detestabilis  eorum  perversitas:  sed  quum  sensissent  Deum  sibi  esse  patrem,  et  quum  tam  liberaliter  ipsos  tractasset,  quum  dignatus  fuisset  foedus  suum  cum  illis  percutere,  fuit  inexcusabilis  eorum  malitia.  Et  postea  persona  mutatur,  Et  non  timorem  meum  super  te  fuisse,  subaudiendum  est.  Hic  tandem  propheta'  significat  populum  caruisse  omni  sensu  pietatis.  Nam  per  timorem  Dei  notatur  reverentia.  Scimus  saepe  labi  homines  errore,  et  circumveniri  Satanae  astutia,  ita  ut  miserabiles  sint  quum  sunt  miseri.  Sed  propheta  hic  ostendit  populum  esse  indignum  omni  venia.  Quare?  nullus  enim  fuit  timor  Dei  in  te,  inquit:  hoc  est,  non  potes  obiicere  te  fuisse  deceptum,  vel  praetexere  aliquem  colorem,  quo  tegas  tuam  malitiam  :  apparet  te  impudenter  et  improbe  fecisse,  quum  reliquisti  Deum  tuum,  quia  nullus  erat  apud  te  timor  Dei.  Et  tandem  subiicit,  Dicit  Iehovah  exercituum:  quibus  verbis  propheta  conciliat  plus  autoritatis  suae  doctrinae.  Erat  enim  haec  sententia  valde  acerba  populo:  et  poterant  multi  capita  concutere,  ut  solebant.  Scimus  enim  quanta  fuerit  pervicacia  in  plurimis.  Ideo  propheta  hic  palam  affirmat  se  non  esse  autorem  huius  sententiae,  sed  praeconem  duntaxat,  et  hanc  sententiam  esse  profectam  a  Deo,  et  se  nihil  aliud  loqui  nisi  quod  Deus  ipse  iniunxit.  PRECATIO.  Da,  omnipotens  Deus,  quando  tot  beneficiis  antehac  nos  prosequutus  es,  ex  quo  semel  dignatus  es  nos  amplecti  tuo  favore,  ne  obliti  tantae  tuae  bonitatis  abripiamur  post  Satanae  blanditias,  et  figmenta  nobis  accersamus,  quae  tandem  cedent  in  exitium  nostrum,  sed  defixi  in  te  perstemus:  et  sic  quotidie  te  invocemus,  et  bibamus  ex  plenitudine  tuae  liberalitatis,  ut  interea  etiam  studeamus  te  ex  animo  colere,  et