32:517  517  SUR  LE  PSEAUME  CXIX.  518  quand  il  sera  ainsi  gouverne  par  la  Parole  de  Dieu,  non  seulement  il  pourra  dire  qu'il  a  une  vraye  sagesse  en  luy,  mais  que  c'est  autant  comme  s'il  avoit  toute  la  sagesse  des  hommes,  et  plus  beaucoup,  assemblee  en  un.  Quand  quelqu'un  se  deffiera  de  soy,  alors  il  appellera  conseil,  et  se  voudra  fortifier,  et  quand  il  aura  use  de  conseil,  qu'un  chacun  l'aura  asseure,  alors  il  s'en  tiendra  plus  resolu  beaucoup.  David  donc  monstre,  que  si  nous  ne  voulons  point  estre  destituez  de  bon  conseil  et  advis,  que  nous  avons  a  suyvre  les  statuts  de  Dieu.  Mais  quoy?  auiourd'huy  il  y  en  a  bien  peu  qui  scachent  parler  ce  langage  yci.  Chacun  en  fera  bien  protestation  en  son  endroit,  mais  ce  n'est  que  mocquerie.  Combien  en  trouvera  on  qui  se  laissent  ainsi  gouverner  que  luy  par  tel  conseil?  a  grand'  peine  de  cent  l'un.  Comment  nous  tenons-nous  asseurez,  scachans  bien  que  Dieu  a  parle  a  nous?  Et  encore  que  nous  soyons  en  train,  quelle  constance  y  a-il?  Il  ne  faut  que  le  moindre  obiect  du  monde  pour  nous  troubler.  Nostre  esprit  fretille  tousiours  pour  contredire  a  Dieu,  nous  regardons  plus  a  l'opinion  des  hommes  et  a  leur  fantasie,  qu'a  toute  la  doctrine  celeste,  tellement  que  prestan8  ainsi  l'aureille  a  tout  ce  que  les  hommes  babillent  et  ployans  a  tous  vents,  nous  ne  scavons  que  c'est  de  nous  tenir  au  conseil  de  Dieu.  Et