20:517  517  SUPPLEMENTUM.  518  a  paracheve  son  temple  dont  il  s'ensuit  que  desia  il  avoit  commence.  Au  9e  article  soubz  umbre  de  confesser  Jesu-    estre  filz  de  Dieu  il  n'y  a  doubte  qu'il  ne  veuille  restraindre  la  divinite  au  pere.  Au  10e  article  il  monstre  assez  que  la  generation  eternelle  de  la  parole  de  Dieu  ne  luy  est  rien.  En  PlIe  combien  qu'il  y  ait  quelque  espece  de  verite  en  la  queue  si  est  ce  qu'il  y  a  deux  blasphemes  execrables  en  ce  qu'il  nye  Jesuchrist  estre  participant  des  deux  natures  et  le  nye  estre  filz  de  Dieu  selon  son  essence  divine.  Au  12  il  confond  ciel  et  terre  en  disant  que  Jesuchrist  homme  est  consubstanciel  et  egal  a  Dieu  son  pere  et  monstre  assez  quil  ne  luy  chault  de  despiter  non  seulement  toute  religion  mais  toute  humanite.  Car  par  ce  moien  il  fauldroit  que  la  nature  humaine  fust  convertie  en  l'essence  de  Dieu.  Et  au  reste  cest  manifestement  desmenfcy  [par]  S.  Paul  lequel  appelle  Dieu  le  chef  de  Christ  oultre  ce  que  Jesuchrist  mesmes  en  la  personne  de  mediateur  se  faict  inferieur  a  son  pere.  Au  13.  il  faict  une  confusion  aussi  enorme  disant  que  Jesuchrist  en  toutes  ses  deux  natures  n'est  que  Dieu  et  par  ce  moien  convertit  une  substance  creee  en  divinite,  ce  qui  na  nul  besoing  destre  redargue  pour  estre  en  horreur.  Mais  encores  quil  n'y  eust  point  une  absurdite  si  vilaine  et  du  tout  infernalle  en  ung  tel  changement  de  substance  corporelle  et  creee  en  essence  divine  et  spirituelle,  si  Jesuchrist  n'est  aultre  que  Dieu  en  son  humanite  que  deviendra  ce  que  dict  8.  Paul  qu'au  dernier  iour  de  la  resurrection  il  sera  assubiecty  a  son  pere?  Au  14e  il  n'y  a  que  cavillation  frivoile  et  puerille  oultre  la  repugnance  avec  larticle  12.  Car  si  l'humanite  de  Jesuchrist  n'a  pas  este  engloutie  dans  la  divinite  comment  sera  elle  consubstancielle  ?  et  si  elle  est  deifiee  pour  estre  dieu  comment  serons  nous  configurez  a  icelle  en  noz  corps  corruptibles?  Le  15.  article  est  tellement  envelope  qu'il  ensepvelit  l'essence  du  sainct  esprit.  Ainsi  quiconques  ne  vouldra  perir  a  son  escient  qu'il  se  garde  de  la  contagion  venimeuse  d'un  tel  apostat  lequel  de  larron  et  voleur  est  devenu  tout  sacrilege.