7:516  stition  diabolique.  De  fait,  elle  a  este  reiettee  d'un  commun  accord  comme  pernicieuse  au  genre  humain.  Auiourdhuy  elle  se  remet  au  dessus,  en  sorte  que  beaucoup  de  gens  qui  s'estiment  de  bon  esprit,  et  aussi  en  [page  8]  ont  eu  la  reputation,  y  sont  quasi  ensorcelez.  Quand  Dieu  ne  nous  auroit  revele  de  nostre  temps  la  purete  de  son  Evangile,  toutesfois,  veu  qu'il  a  resuscite  les  sciences  humaines,  qui  sont  propres  et  utiles  a  la  conduite  de  nostre  vie,  et,  en  servant  a  nostre  utilite,  peuvent  aussi  servir  a.  sa  gloire,  encore  auroit-il  iuste  raison  de  punir  l'ingratitude  de  ceux  qui,  ne  se  contentans  point  des  choses  solides  et  bien  fondees,  appetent,  par  une  ambition  outrecuidee,  de  voltiger  en  l'air.  Maintenant,  puis  qu'il  nous  a  eslargy  tous  les  deux,  c'est  qu'il  nous  a  remis  4es  a.rs  et  sciences  en  leur  entier,  et  sur  tout  nous  a  restitue  la  pure  cognoissance  de  sa  doctrine  celeste,  pour  nous  mener  iusques  a  luy  et  nous  introduire  en  ses  haulz  secretz  et  admirables,  s'il  advient  qu'aucuns,  au  lieu  d'en  faire  leur  profit,  ayment  mieux  de  vaguer  a  travers  champs  que  de  se  tenir  entre  les  bornes,  ne  meritent  ilz  pas  d'estre  chastiez  au  double?  Ce  qui  advient  de  fait,  lors  qu'ilz  sont  si  hebetez  ou  plustost  abestiz  d'appliquer  toute  leur  estude  a  un  abus  frivolle  ou  ilz  ne  font  que  se  tourmenter  sans  nul  profit.  Ie  say  les  beaux  tiltres  dont  ilz  fardent  une  si  sotte  superstition.  Nul  ne  peut  nier  que  la  science  d'Astrologie  ne  soit  honnorable.  Ilz  se  couvrent  donc  [page  9]  de  ce  manteau.  Ilz  se  nomment  Mathematiciens,  lequel  mot  vaut  autant  a  dire  que  Professeurs  des  ars  liberaux.  Tout  cela  n'est  point  nouveau:  car  leurs  predecesseurs  ont  bien  pretendu  le  semblable  pour  abuser  le  monde.  Mais  quand  nous  aurons  veu  a  l'oeil  qu'il  ny  a  nul  fondement  en  toute  leur  sottise,  ne  d'Astrologie,  ne  de  science  aucune,  il  n'y  aura  point  occasion  de  nous  ebahir  de  ces  masques,  sinon  qu'ilz  en  fissent  peur  aux  petis  enfans.  Mesme  toutes  gens  de  moyen  savoir  n'auroyent  point  fort  affaire  de  mon  advertissement  pour  estre  instruitz  de  s'en  garder.  Ainsi,  ce  present  traite  sera  plustost  pour  les  simples  et  non  lettrez,  qui  pourroyent  aisement  estre  seduitz  par  faute  de  savoir  distinguer  entre  la  vraye  Astrologie  et  ceste  superstition  de  magiciens  ou  sorciers.  Voyons  donc,  en  premier  lieu,  iusques  ou  s'estend  la  vraye  Astrologie,  qui  est  la  cognoissance  de  l'ordre  naturel  et  disposition  que  Dieu  a  mise  aux  Estoilles  et  Planettes,  pour  iuger  de  leur  office,  propriete  et  vertu,  et  reduire  le  tout  a  sa  fin  et  a  son  usage.  Nous  savons  ce  que  dit  Moyse  (Gen.  1,  14),  que  Dieu  a  ordonne  le  Soleil  et  la  Lune  pour-  gouverner  les  iours  et  les  nuitz,  les  moys,  les  ans  et  les  saisons.  En  quoy  il  comprend  tout  ce  qui  attouche  a  l'agriculture  et  a  [page  10]  la  po-