6:516  ut  proventuum  ecclesiasticorum  quatuor  fierent  portiones:  una  episcopo  cederet,  propter  hospitalitatem  et  susceptionem  pauperum,  altera  clero,  tertia  pauperibus,  quarta  reparandis  ecclesiis.  Hanc  rationem  sua  quoque  aetate  viguisse  testatur  G-regorius.  Praeterea,  ut  nullae  sint  leges,  sicut  aliquando  nullae  fuerunt  (haec  enim,  quam  dixi,  quemadmodum  et  aliae,  ex  malis  moribus  nata  est)  verissimum  tamen  esse  illud  Hieronymi,  nemo  non  fatebitur:  gloriam  esse  episcopi,  pauperum  opibus  providere:  ignominiam  omnium  sacerdotum,  propriis  studere  divitiis.  1)  Austerius  forte  videbitur  quod  illic  quoque  iubet,  mensulam  sacerdotis  peregrinis  et  pauperibus  patere:  sed  aeque  tamen  est  verum.  Abbates  quo  propius,  redituum  amplitudine,  accedunt  ad  episcopos,  eo  sunt  illis  similiores.  Canonicis  et  parochis,  quia  ad  ingluviem,  delicias  et  pompam  non  suppetebat  unum  sacerdotium,  facile  compendium,  quo  huic  incommodo  mederentur,  invenerunt.  Nihil  enim  obstat,  quominus  quatuor  aut  quinque  sacerdotiorum  proventum  recipiat  unus,  qui  multo  plus  deglutire  posset  uno  mense,  quam  habeat  in  totum  annum.  De  onere,  non  agitur.  Sunt  enim  in  promptu  vicarii,  qui  libenter  supponant  humeros,  [pag.  llo]  modo  portiunculam  aliquam  liguriant.  Quin  etiam  pauci  reperiuntur,  qui  uno  episcopatu,  aut  abbatia  una  sint  contenti.  Clericos,  qui  publico  aluntur  ecclesiae  sumptu,  quum  ex  patrimonio  possint  vivere,  sacrilegos  Hieronymus  appellat.  2)  Quid  ergo  de  iis  sentiendum,  qui  tres  simul  episcopatus,  hoc  est,  aut  quinquaginta,  aut  centum  honesta  patrimonia  ingurgitant?  Et  ne  paucorum  culpa  immerito  se  traduci  conquerantur,  quid  de  his  sentiendum  qui  publicis  ecclesiae  stipendiis  non  luxuriantur  modo,  sed  ad  solvendas  lenonibus  ac  scortis  mercedes,  abutuntur?  Atqui  iam  nihil  dico,  quod  non  sit  vulgare.  Adde  quod,  si  rogentur,  quonam  iure  vel  frugale  modicumque  stipendium  accipiant,  non  dico  omnes,  sed  pauci  illi,  qui  in  sacerdotiis  suis  resident,  ne  ad  hanc  quidem  quaestionem  quod  respondeant  erit.  Quibus  enim  officiis  id  merentur?  Quemadmodum  olim  sub  lege,  qui  altari  serviebant,  vivebant  ex  altari,  ita  nunc  qui  evangelium  annunciant,  ex  evangelio  vivere  aequum  est:  atque  ita  Deus  praecepit.  Haec  sunt  Pauli  verba  (1  Cor.  9,  9).  Exhibeant  ergo  nobis  evangelii  ministros,  et  stipendium  illis  non  aegre  concedam.  Neque  enim  bovi  trituranti  os  obligandum.  Boves  autem  arantes  esurire,  et  inertes  asinos  pasci,  quam  ab  omni  ratione  dissentaneum?  Atqui;  servire  se  altari  dicent.  Respondeo,  altaris  ministerio  victum  meruisse  sacerdotes  sub  lege  :  aliam  esse  rationem  novi  testamenti,  1)  Ad  Nepotianum.  2)  C.  Clericos  I.  quaestio  2.