55:516  Et  recevez  les  uns  en  pitie,  les  iugeant:  les  aultres  sauvez  les  par  crainte,  les  retirant  du  feu:  haissant  aussi  vestement  de  la  chair  contamine.  D'avantage  il  les  enseigne  que  ce  n'est  pas  assez  de  s'estre  retire  soymesmes  de  la  voye  de  mort  et  perdition  pour  servir  purement  et  saintement  a  Dieu,  si  on  ne  tache  aussi  de  gaigner  les  aultres  qu'on  voit  estre  desvoyez,  et  de  les  edifier  en  nostre  Seigneur.  Pourtant  il  les  exhorte  de  tellement  fouyr  et  eviter  ceste  perverse  nation  qu'ilz  mettent  peine  de  les  reduire  en  meilleure  vie  et  ce  en  diverses  manieres,  selon  qu'ilz  verront  estre  expedient.  Car  les  uns  veulent  estre  menez  par  doulceur  et  benignite:  les  aultres  par  plus  grande  severite  et  rigueur,  a,  quoy  il  nous  fault  estre  prudens  pour  nous  accommoder  a  une  telle  diversite  d'esprit.  Il  dict  doncques  que  envers  ceulx  que  nous  verrons  estre  plus  dociles,  nous  moderions  tellement  Pasperite  de  condamner,  que  les  traictions  avec  misericorde,  au  contraire  que  nous  estonnions  ceulx  qui  sont  endurcis,  par  crainte  du  iugement  de  Dieu.  Car  il  fault  user  envers  eulx  commesi  on  tiroit  quelqu'un  d'un  feu  ia  embrase:  ce  qui  ne  se  faict  sans  effort  violent.  Ce  pendant  il  veult  que  nous  prenions  desplaisir  aux  vices  qui  sont  alentour  d'eulx:  lesquelz  il  appelle  robe,  selon  commun  usaige  de  l'Escriture:  pource  que  l'homme  en  est  environne  comme  de  ses  habillemens.  Or  a  celuy  qui  les  peult  garder  sans  offence,  et  les  constituer  devant  sa  gloire  incoulpables  avec  liesse,  qui  est  Dieu  seul  sage,  nostre  Sauveur,  gloire  et  hautiesse,  domination  et  puissance  soit  maintenant  et  en  tous  siecles.  Amen.  Comme  il  a  commence  son  Epistre  par  prieres,  recongnois8ant  Dieu  estre  celuy  dont  il  failloit  demander  tout  bien:  aussi  maintenant  il  magnifie  sa  grandeur  comme  celle  qui  est  seulement  digne  d'estre  magnifiee.  Entremeslans  comment  le  principal  que  nous  pouvons  faire  pour  le  salut,  c'est  de  les  recommander  a  Dieu:  lequel  seul  a  la  puissance  de  les  convertir  a  soy  pour  les  amender:  afin  que  sans  offence  ilz  puissent  comparoistre  devant  sa  maieste  et  siege  iudicial  avec  ioiee  et  liesse  laquelle  sera  lors  espandue  sur  tous  ses  serviteurs,  comme  il  est  escript.  Or  il  veult  que  toute  gloire  et  hautesse  soit  rendue  a  Dieu:  non  pas  qu'il  ne  les  ait  sans  nous,  et  mesme  contre  le  vouloir  de  ses  ennemis  :  mais  pour  ce  que  nous  devons  tous  desirer  que  tout  le  monde  le  recongnoisse  tel  qu'il  est,  pour  luy  rendre  louenge  a  luy  deuement  appartenante.  Typis  Appelhans  &  Co.,  Brunavigae.