37:516  que  non  esse  appetendum  nobis  potum  vel  ex  Nilo,  vel  ex  Euphrate,  hoc  est,  ex  mundi  illecebris,  quae  prae  se  ferunt  magnam  pompam  :  sed  potius  bibendum  esse  ex  arcano  illo  fonte,  qui  ideo  nobis  reconditus  est  ut  fide  ipsum  quaeramus.  Iam  sequitur,  19.  Castigabit  te  malitia  tua,  et  aversiones  tuae  (vel  defectiones  tuae)  poenam  de  te  exigent:  et  cognosces  et  scies,  quod  malum  et  amarum  tuum  derelinquere  (ad  verbum,  hoc  est,  quod  reliqueris)  Iehovam  Deum  tuum,  et  quod  timor  meus  super  te  non  fuerit,  dixit  Dominus  Iehovah  exercituum.  Hic  propheta  iterum  confirmat  quod  prius  dixi?  nempe  populum  tandem,  velit  nolit,  sensurum  quid  sit  a  Deo  deficere:  quasi  diceret,  nisi  hactenus  satis  edoctus  fuisti  tot  experimentis,  perfidiam  tuam  esse  tibi  malorum  causam,  Deus  mala  malis  cumulabit,  ut  tandem  vel  invitus  cognoscas  te  recipere  iustam  mercedem  tuae  malitiae.  Haec  igitur  summa  est.  Sed  primo  dicit,  Castigabit  te  malitia  tua:  quasi  diceret,  etiam  si  Deus  non  conscenderet  tribunal,  neque  manum  suam  exsereret  ad  poenas  infligendas  populo,  tamen  iudicium  palam  fore  in  ipsis  sceleribus.  Et  hoc  vehementius  est,  ac  plus  habet  efficaciae,  quam  si  propheta  simpliciter  diceret  Deum  iustas  poenas  exigere  de  populo.  Malitia  igitur  tua  castigabit  te,  inquit:  quemadmodum  apud  Isaiam  eadem  fere  est  loquutio:  Stabit,  inquit,  ex  adverso  malitia  tua:  quasi  diceret  Deus,  Etiam  si  ego  quiescam,  et  non  sumam  mihi  partes  iudicis,  etiam  si  non  aliunde  surgat  accusator,  etiam  si  nullus  tibi  litem  intendat:  malitia  tua  stabit  ex  opposito,  et  incutiet  tibi  ruborem.  Sic  etiam  hoc  loco,  Malitia  tua  castigabit  te.  Tenenda  autem  -est  ratio  cur  propheta  hoc  dicat.  Nam  scimus  tunc  in  ore  multorum  fuisse  querimonias,  ac  si  Deus  nimium  severus  fuisset  ac  rigidus.  Quum  ergo  ita  subinde  obstreperent  Deo,  propheta  repellit  tales  calumnias,  ac  dicit  malitiam  sufficere,  ut  vindictam  contra  illos  exerceat.  Idem  de  aversionibus  :  sed  quod  generaliter  dixerat  nunc  melius  exprimit,  quod  scilicet  populus  sese  subduxerit  a  cultu  et  obedientia  Dei.  Ergo  designat  hic  speciem  malitiae:  quasi  diceret  non  opus  esse  aut  accusatore,  aut  testibus,  aut  iudice:  sed  solas  populi  defectiones  satis  valituras  ad  poenam  sumendam.  Postea  adiungit,  Scies  et  videbis  quam  malum  sit  et  amarum  relinquere  Deum  tuum  Iehovam.  Sunt  loquutiones  durae:  sed  iam  ante  exposuimus  quid  hoc  significet,  derelictio  tua,  vel  derelinquere,  hoc  est,  defectio  tua,  quod  scilicet  dereliquisti  Deum  tuum  :  et  timor  meus  super  te,  vel  in  te  non  fuit.  Hic  rursus  propheta  quasi  digito  scelera  populi  demonstrat.  Loquutus  est  de  aversionibus:  sed  nunc  ponit  defectionem,  quod  populus  plane  et  aperte  desciverit  a  vero  Deo.  Re-